.. نـبـذه وديـوان لـلشاعر/ شـلعـان بن ظـافـر بن فهيد الودعـــانـي رحمه الله

[موادع]

هو الشاعر الفحل شلعان بن ظافر بن فهيد الجماعين الوداعين الدوسري
الساكنين بمدينه السليل عاش ردحاً من الزمن في حياة الباديه متنقلاً في فلواتها القريبه من هجرة (إحمام ) مع أهله وعشيرته ومع الابل حيثما حلت ورحلت وقد إكتسب شعره صفة مميزه من هذه الحياة البدوية.

ولد بمدينة السليل عام 1340هــ تقريباً ولما بلغ سن الرشد سافر الى العاصمه الرياض والتحق بسلك الجندية وبقي وقتا طويلاً ثم سافر بعد ذلك لدولة الكويت والتحق بالجيش الكويتي برتبه جندي وبقي بضع سنين ثم عاد للمملكه لوطنه السليل وللمره الثانيه عاد للكويت لعمل الجنديه وتدرج حتى بلغ رتبة رائد بالجيش الكويتي ثم رغب العوده للمملكه لموطنه السليل حتى وفاته
بيوم الأربعاء 9 / 5 / 1424 هجرية رحمة الله وأسكنة فسيح جناته وأموات المسلمين.


وهذه القصيدة تغني عن التعريف به


طاب كيفي وستوى الطـاروق ليـه=والنفـوس العاليـه تلحـق مناهـا
مانعلمهـا علـى طــرد الـرديـه=والطويلـة معتليـنً فـي حجـاهـا
زايـدي مانيـب مجهـول الهويـه=من وداعيـنٍ تعـدي عـن حماهـا
نكسب النامـوس ونحـل القضيـه=بالسيوف اللي علفهـا مـن عداهـا
رافعيـنٍ روسنـا فـي كـل هيـه=محتمـنٍ حدودنـا محـدنٍ وطاهـا
والسـلـوم الطيـبـه لـزايـديـه=فرحة جريـس اليمانـي مانساهـا
يــوم زبـنـاه بـعـزومٍ قـويـه=لابتـن شجعـان ويـذري ذراهــا
ومـن سوالفنـا وسيـم العامريـه=يوم صاحت صيحةٍ يصـرخ نداهـا
هـزت الـوادي وهزتنـا الحمـيـه=عقب فجعتها عطيناها ولانبغي جزاها
وأذكر أبن مطـرفٍ راعـي الجنيـه=يوم عدتـه القبايـل مـن حماهـا
جـاء وحطينـاه بحصـونٍ ذريـه=يستريح أبها الزبيـن الـى نصاهـا
خايـفٍ مـن ضـربـات أدومـيـه=الشريـف وضربتـه محـدٍ قواهـا
بيرقـه يطـرخ وساقتـه المنـيـه=رايتـه صبيـان زايـد كسـراهـا
كن طرق الخيـل حالـوب أبرديـه=لقبلـت هـذي وهاذيـك تحـداهـا
ليـن ضاقـت بالشريـف الجندليـه=وحولوبـه مـن ظهرهـا وقلعاهـا
والفخر قوز الشريف أصبـح سميـه=تربـةٍ صبيـان زايــد رسمـاهـا
ومن سوالفنـا الـى جـاو دخليـه=شرعنا وسلومنـا ناسـم عصاهـا
ممنيـن الجـار ونسـوق الوصيـه=سجلـت بجدارنـا كــلٍ قـراهـا
والخوي ناخـذ بثـاره مـن خويـه=لامشالـه سنـةٍ مـحـدٍ مشـاهـا
نجـزره بسـوق بنفـوسٍ رضيـه=ذبحتـك يالجنبـي خذنـا قضـاهـا
وسلمنـا ساقـت ديتـه الزايـديـه=ذابحيـنٍ فيـه وديـتـه أدفعـاهـا
تـم قولـي والصـلاة علـى نبيـه=عد ماذعـذع الغربـي مـن هواهـا

[موادع]

وله أيضاً




طار الكرى من مقلة العين وأمطرت=سحابة يسبـق مطرهـا رعودهـا
في صافي القرطاس يمشي بها القلم=مثايـلٍ خيـط البريسـم يقودهـا
ناخـذ نواديهـا ونتـرك هزيلهـا=فعل الردا ما خـش بيـن بنودهـا
ذا شرعنـا وطبوعنـا وسلومنـا=نسبق على العليا ونرقى سنودهـا
وان جت سوالفنا ينومـس دليلهـا=صحايف التاريخ تثبـت وجودهـا
سوالـفٍ مهيـب لاحـدٍ غيـرنـا=جيراننا وجدارنـا مـن شهودهـا
حنا الدواسـر ممنـة كـل خايـف=دايم على العليا تواثـب جهودهـا
الطيب ما يخفى علـى كـل طيـب=الآجواد كسب الطايلة مـا يكودهـا
الزايـدي والتغلبـي مـن دوسـر=أفعالهـم عـود بعيـن حسودهـا
بالسيف نملك كـل خضـرا مدينـه=لين أصبحت جنة نهـزع فنودهـا
حنا هل الوادي عمـا كـل عـادي=ا جت شيوخ القوم تسحب جرودها
نحدهـم ونردهـم عـن هـواهـم=والموت للي جـا بقومـه يذودهـا
هـذي ديرْنـا والآذانـي تسـمـع=واللي يسد اذنيـه منهـا جودهـا
حنـا بنـي زايـد بـزود فعولنـا=والزايديـة كـل يـومٍ بـزودهـا
نفعـل بفعـل جدودنـا ونزيدهـا=حيث الضرايـب تتبـع مهدودهـا

حنا هل البل مـن قديـم وحاضـر=فنس الخشوم اللي زيـانٍ خدودهـا
تفرح بنا لا صـاح صيـاح ريبـة=لا حنـت الفاطـر تبـي مفرودهـا
نلحق على قـبٍ سكنـا ظهورهـا=كن السهوم المطلقـات جسودهـا
ولا من رمـت بقناعهـا الزايديـه=وعلى جثيل المال ساقـت قعودهـا
نـورد الاسيـاف بيـضٍ لـوامـع=ونصدر الاسيـاف حمـرٍ حدودهـا
خيالـة الحرشـا ونعتـزي بـهـا=عـزوة حـرارٍ مرثتهـا جدودهـا
وخيالـة الجدعـا وهـي عزوتنـا=ولانفخت بعـض الرجـال لغودهـا
وراعي صخاف الشول سيفٍ قاطـع=لامن انتخى صاب الخيول جمودهـا
نرعى بها غصبٍ على كـل حاسـد=يبـرى لهـا خيالهـا نمـرودهـا
وفرسانها من دونها تنطـح العـدا=باللي تقص الراس مـن جلمودهـا
حنا هـل القيمـه رجـال الشيمـة=دواسـرٍ كسـب الثنـا مقصودهـا
الزايـدي والتغلبـي مـن دوسـر=تاج الفخر ملبوسها من صمودهـا
نحـب نكسـب كـل علـمٍ طيـب=سوالـفٍ يازيـن قطـف ورودهـا
اهل الحسب واهل النسب والشيمـة=نعطي الرجال حقوقهـا ونزودهـا
هـذا كـلام الشاعـر الودعـانـي=مثـايـلٍ بافعالـهـا وشهـودهـا
ماكل من يرمي الهدف صاب الهدف=ولا كل شجرة ينبت الورد عودهـا
تمت وصلى الله على سيـد البشـر=ما غنـت الورقـا بعالـي فنودهـا

[موادع]

وله في الحكمة قصائد كثيرة منها هذه القصيدة


يقـول مـن هاجـوس قلبـه يدلـه=وعيني تخايل عاليـات الشناخيـف
ودور على الطيـب ووهـت محلـه=واحافظ على رفقة بعيـد المشاريـف
رجل الرجـال اللـي يظلـل بظلـه=مثل الجبل ما زعزعتـه العواصيـف
عزيـز نفـس مـا مشـا بالمذلـه=رايـات عـزه يلعبـن الغطـاريـف
لاطالـت أيـام الدهـر مـا تـلـه=تلقى النشامى لـه ومثلـه مواليـف
جالس عزيـز ولايجـي فيـك خلـه=وترى الجليس يمثلـك بالتواصيـف
ترى الرجـال رجـال وبهـم مفلـه=أشكال تعـرف أعـزوم وتصاريـف
وكـلٍ يسيـر وسيرتـه شاهـد لـه=وتبين مـن نيـات قلبـه طواريـف
يرسم على نفسـه صحايـف مجلـة=لو كان يخفي سيرته من العرب شيف
ومن لا فعل ماب الشرف حاصلٍ لـه=وقـولٍ بـلا فعـلٍ حكايـا ملاقيـف
والطيب يبغـي واحـدٍ عاشـقٍ لـه=يرفع خطـاه العاليـات المشاريـف
على العسـر والليـن متحمـلٍ لـه=ومعسفٍ نفسه على العـز تعسيـف
قلبه علـى كسـب المراجـل يتلـه=تلـة حبـال مكسـرات العصاريـف
ثلاث ترفـع مستـوى الرجـل كلـه=واليا حصل ثنتيـن جالـه مواقيـف
ألولـه يكسـى بـهـا طـايـع الله=والله كريم وشرف الديـن تشريـف

والثاني اللـي تنعـرف عـزوةٍ لـه=اليا قيل وين اللي يورد شبا السيـف
والثالـث اللـي ضيـف داره يدلـه=كريم سبلى يكرم الجـار والضيـف
واللي جمعهـا كلهـا سجلـت لـه=عزٍ تقصر مـن فضـاه المحاذيـف
تـاج الفخـر ماكـل رجـلٍ يشلـه=الا الـذي رجلـه تـدك الشواطيـف
نوبٍ تجـي ضـده ونـوبٍ أرضلـه=ونوبٍ تحذف به على البر والسيـف
ونـوبٍ عراقيـب الليالـي تمـلـه=ويصبح يصارع لفحة البرد والصيف
وجهه على كسب العـلا جابـرٍ لـه=لوكـان ماهـا مايبـل المغـاريـف
راع الصخا رب البـرى عايـنٍ لـه=ضيقات وقته من خرجهـا مناكيـف




وله أيضاً في الفخر وذكر بعض مواقف الوداعين وأفعالهم
والمشهورة بأسم ( قصة الشمري )


طاب كيفي ورجلي زان ممشاهـا= ا لمعاني وزنهـا عـدل ميزانـي
مـا نبـي ناقـد بالنقـد يقفاهـا= خايف من بعض الاشخاص يقفاني
مـن شواذيبهاعليّـت مرقـاهـا= نازله فـي منـازل كـل ديقانـي
ياحـرار رفعهاطيـب مجنـاهـا= من كرمها لها بالطيـب عنوانـي
تشبع اضعوفها من ظرب يمناهـا= تكسب المدح شيبانـن وشبانـي
مرحبـا عـد ماهلـت رفايـاهـا=والتراحيب للقاصي مـع الدانـي
من بني عمنـا واللـي توحاهـا= وكل قرم إلي من جيت له جانـي
ليلة مـن ليـال العمـر فدناهـا= وقفتي بين ربعي تبعـد أحزانـي
لابة للمراجـل تشقـح أخطاهـا=تكرم الضيف والجيران والعانـي
لابتي مايـدوس الضـد بحماهـا= من على عصر زايد وبن بدراني
لابتـي زايـد الملطـوم منشاهـا= ممنـة جارهامـن كـل عدوانـي
ترتفع روسنـا لامـن ذكرناهـا= ذا كلامي ونا مـن لاد ودعانـي
لاد ودعان راس الرجـم مرقاهـا= كاسبين المراجل سـر وعلانـي
لابتي من يريـد العـز ينصاهـا= يستريح بذرا ذربيـن الايمانـي
قصت الشمري يانـاس محلاهـا=يوم ثور عسـام الجـو دخانـي
فوق سيارتـه والقـوم تشعاهـا=اجنبـي وحيـد مامعـه ثـانـي
قل عزم المكينـه ونقطـع ماهـا=قال هـذا قعـد مافيـه عقلانـي
ياوداعيـن بحرقهـا وبنسـاهـا= والعوض عند ربي عالي الشانـي
عودولـه ولا واحــد تعـداهـا= حذفو بالهـدوم طيـور حوانـي
شلحوهـا بنـي عمـي وشلاهـا=لابـة فالقـا مـاهـم بـذلانـي
والقنابـل تخطفهـم شظايـاهـا=ماختلف واحد مـن لاد ودعانـي
حملوها ونـار الحـرب تصلاهـا=اشهد انهـم مناعيـر وشجعانـي
عقب يومين في نجـران ملفاهـا= وشترو نقصها من سوق نجراني
ماتعـدو مكانـه ليـن شـداهـا=وشتغل صافين ماهوب خربانـي
ذي سوالف بني عمي شرحناهـا= ماضياتـن لهـا فعـل وبرهانـي

[موادع]

وله في الحكمة





يافهيد شب النـار وجـح المنـاره=واحمس من اللي ما بعد عذربو فيه
الى انقلـب لونـه وقـرب صفـاره=إصفح بها جمر الغضا لين تسويـه
دقه بنجـر المـاو تظهـر إعبـاره=حتى يجيـك إمـدور البـن يبغيـه
لامن حكمـت الكيـف زود بهـاره=ترا صلاح البن مـن قلـب راعيـه
زله تـرا اللـي حاضـر بالنتظـاره=وصبه لمن هو بالشحاشيح يشريـه
وعـده لمـن رايـه تدلـه أفكـاره=حلال حبل إمروبعـات العقـد فيـه
واثنه لمن يثني القـدم دون جـاره=والى دعاه الحرب رحـب إبداعيـه
وباقي العرب لو كـان يشـره وداره=لاعاد ماأنتب في المراجـل بترجيـه
فالمرجلـه حبـلٍ تقطـع شــراره=من يقضبه يصبر على حرقة إيديـه
والهون هين مـا يبـي لـه إدواره=حبل نعيم مـن بغـا ينحـدر فيـه
يا خاسرٍ بالطيـب ماهـو خسـاره=من طاب فيك من الرجاجيل طب فيه
ياهيـه ياركـاب زيـن الغـمـاره=بلهون لين أسجـل الخـط واطويـه
بلهون ليـن الليـل يدنـي سمـاره=مقـدار فنجـالٍ يصوغـه إمسويـه

واخذ الرساله مـن حكيـم القـداره=اللي خذا من زبـدة الهـرج وافيـه
لا من ركبت القار عطـه الحـراره=خل النبير إيميـل ويعـد مـا فيـه
أجنب جنوب والحسا مـن يسـاره=خط السليل من ورا الخـرج يدعيـه
تلفـي إحمـام قبـل يطلـع نهـاره=مرباعهـم مصيافهـم قيضـو فيـه
ياما حموا لدباش مـن كـل غـاره=لاصاح صياح الضحـا عنـد تاليـه
لا ثار مـن عـج السبايـا إغبـاره=وردوا كما سيل حدر مـن مناشيـه
هـم ربعنـا لا كـلٍ عنـز إبـداره=والرمح ما يرجع إسنانـه لحاميـه
يا كاسبين العـز فـي كـل شـاره0=سب القفا خسران من مدحتـه فيـه
وانتو كبار القـوم واهـل النعـاره=عقالنـا لاضيـع المـاء مجـاريـه
ترا الدبـا ياكـل اكبـاره إصغـاره=والحر مـا ياكـل طـوارف ثناديـه
حنـا لكـم ذخـرٍ قـويٍ إسـتـاره=وانتو سندنا لا دعـا الشـر داعيـه
ياهل الشهامـه والفخـر والوقـاره=ياربعنا اللـي كـل منكـم بنغليـه
فكلٍ يقـول القـاف علـى إقتـداره=والهرج يكفي صامله عـن تواليـه
من شال حمل الضيـم زاد إنهيـاره=لو كـان طيـب راس لازم يوطيـه
ومن شق جيب النـاس شقـو إزاره=ومن طاول أطول منه ضاعت هقاويه
ومن دور العثـرات يلقـى العثـاره=لابد ما ينـدم علـى فعـل ماضيـه
ومن يدعـي للحـق قـل إعتبـاره=ومن يدعي بالحق يفلـج إمداعيـه
ومن حط له بيت النميمـه إتجـاره=مكـروه والمكـروه محـدٍ يدانيـه
ومن شذ من ربعه الى جاء مشـاره=هذاك لـو بوصفـه ويـش أسميـه
مثـل الثـعـل لا قــرب الله داره=وان صاد شيء صيدته مـا تعشيـه
ترا الفهيـم إفهيـم يعـرف مغـاره=والداب فعله بيـن إبرجـل واطيـه
والرجـل صنـدوق وقفلـه عمـاره=وان إنكسر قفله ظهر كل مـا فيـه
يا الله يا جالـي الخطـر والغيـاره=الله يساعدنـا علـيـه وبـلاويـه
لو نسأل التاريخ واظهـر أسـراره=شفنا مواقف كـل رجـل ومماشيـه
فاحدٍ ذهـب واحـدٍ لسانـه دمـاره=الفرق واضح ما يبـي مـن ينبيـه
واحدٍ جبـل واحـدٍ دكاكـه جـواره=واحدٍ سند واحدٍ رمد عيـن معميـه
واحدٍ كمـا سـورٍ قـويٍ إحضـاره=من لاذ به بردان يلقـى الـذرا فيـه
واحدٍ كمـا شعـبٍ كثيـرٍ خضـاره=لا شافه العساس شـد ونـزل فيـه
واحدٍ كمـا شعـبٍ كثيـر إغبـاره=يموت ضبـه مالقـا عيشـةٍ فيـه
واخير من طول الكـلام إختصـاره=ماقل دل ومن بغـا الرجـم يبديـه

[موادع]

في وصف الإبل




على الهادي المبعوث بسنة من الرحمن=شفيع أمتـه لا نوديـت بامـر واليهـا
بدعت المثايـل والمثايـل لهـا بيبـان=إلـى فتحـت بيبانهـا جـاك مافيـهـا
على القصد والمقصـود بعـدل القيفـان=عسـى راع البـل عنـد ذوده يغنيـهـا
يغني بهـا فـي خايـعٍ علـه الـودان=بذيك النفود اللي عسى الغيـث يسقيهـا
تهشم ربابه مـن طريـف إلـى نجـران=مداهيل عوج السوق ربـي رضـا فيهـا
تشوف الخزامى و الشقارى مع المكنـان=تخالـف زهرهـا ساكنـاتٍ ذواريـهـا
تكبر قياع الرمث مـن زاهـر الحـوذان=كساها ولي العرش وأحسـن كساويهـا
مداهيل حلوات اللبـن خلقـة الرحمـان=مجاهيم سود خالـق الكـون مسويهـا
مجاهيم جاذبها الفحل والوجيـه زيـان=وسـاعٍ مرافقهـا طــوالٍ خطاويـهـا
جليلات عظم الساق مرفوعـة الحجـان=طـوال الرقـاب مشرهفـات أذانيـهـا
عراض الخدود اللي تماري بها البـدوان=كبار الفقـار موسعـة صـدر راعيهـا
مجاهيـم رمليـات لخشومهـا نيشـان=ترافـض بـلا دمهـا حـدادٍ نواصيهـا
هوى القلب خطوى نايفة والضلوع متان=تجي بالحلا والزيـن وتـرد بـه فيهـا
كبيرة مزر الورك فجحـا مـن السيقـان=تخنطـل قوايمهـا كـبـارٍ مواطيـهـا
تمايـح بذبـلٍ مثـل دراهـة الـقـران=نهـار الطـرب هـذا لـهـذا يوديـهـا
لهـا غـاربٍ متقـدمٍ شامـخٍ ملـيـان=يدافـر حبـاك العيـز والعيـز حاليهـا
وساع منادغهـا مـن الـزور للكعيـان=بها كل شـيٍ زيـن والملـح غاشيهـا
طموحٍ تحذف أشناقهـا واسعـة بيعـان=فـروعٍ فتـون البيـد عسـمٍ أياديـهـا
ولا رايعت كـن المعنـق علـى رمـان=تعوجه مـن العاتـق خفـوقٍ لواحيهـا
سنودٍ من الغارب فسيحة مـن الذرعـان=عسى ربنـا مـن شـر خلقـه ينجيهـا
البل تراها السود والصهـب يالظفـران=وشقـحٍ سـواد اذيالهـا فاصـلٍ فيهـا
أنا احب شوف الوضح وضاحة الألـوان=مغاتير مـن جلـد الوضيحـي تحاليهـا
مغاتيـر جذابـات ومكحـلات أعـيـان=جميـع الوصايـف كلهـا كاملـة فيهـا
مغاتير فنس خشوم فيها الدريعـي بـان=عرانينهـا وشعوفهـا فاصلـة فيـهـا
مغاتيـر معروفـات وطبوعهـن زيـان=على الصوت ماتبغي راعي الصوت يتليها
الى شفتهن رتوع فـي خاطـي الجيـان=تشادي القنوف المرسيـة بامـر واليهـا
مغاتير لامن سمعت الصـوت والدنـدان=لاكـن الذيابـة تهتـوش عنـد تاليهـا
مغاتير لاغنـى المغنـي علـى عليـان=ضربها السطر لا صاح بالصوت راعيهـا
الـى جلعـت لاكنهـا شـرد الـغـزلان=وراهـا المفـرد يابـسـاتٍ علابيـهـا
الى من ذعرها الصوت واستولت الميدان=يقوس ذرايـب عجهـا مـن سماريهـا
ركد عجها من سجها والجـرس رنـان=تجي ذي مـع هـاذي وهـاذي تباريهـا
ترى البل فرح وسرور من خلقة الإنسان=عسـى الله يبـور بواحـدٍ بايـرٍ فيهـا
كنوز البـداوة منقـذه راعـي البستـان=مواريث جدود باشهـب الملـح تحميهـا
مداخيلها عسـرة علـى بايـع الرمـان=ولا تصلح البل كون في مـرّح اهاليهـا
حلا ما حلا مرواحهـا تجـذب الحيـران=الى أقبل غروب الشمس والليل ضاويهـا
على بيت منهو يكرم الضيف والجيـران=عشير النشامـى كـل ماحـل طاريهـا
عسى من يسوق المال في غالية الأثمان=يبـارك لـه الرحمـان فيهـا ويذريهـا
أنا قلتها وادخل على الله مـن النسيـان=مع الناس صفر وزرق مانـي بناسيهـا
وحمر وشعـل تختلـف بينهـا الألـوان=إلى تاه فيها الوصف تعـرف باساميهـا
ترى البل تعز الرجل تكفـون يالجذعـان=حـرامٍ عليكـم تركهـا والطمـع فيهـا
وصلاة ربي عـد مـالاح بـرق وبـان=بسود القنـوف اللـي غـلاظ مثانيهـا



وله في الغزل العفيف





وجودي على بدوٍ رعو حومـة النقيـان="رعو في جديـد العشـب لازاف زملوقـه
وجودي على شوف المعاشير والحيـران"="مظاهير أهلهـا جـات للقفـر مسيوقـه
نصو مرتعٍ فيه الخزامـى مـع المكنـان"=
"يعط الندا به مـا بعـد يبسـت عروقـه
وبنوا به أبيوتٍ واستقلت كما الحيطـان"="وترى ذي حياة الروح والنفس ملحوقـه
وشب المنـاره متعـب البـن للضيفـان"="وتلافو عليـه اللـي يحبـون منطوقـه
حمس طبخةٍ تقعد خوا الدايـخ العمسـان"="ولاهيـب لانيـه ولاهـيـب محـروقـه
نكبها بنجرٍ كـل مـا ضـرب زاد جنـان"="الى من ضجر كن صوته يجيه من فوقـه
حكمها على غاية هل الكيـف والظفـران"="بها زعفـران وهيـل واشكـال مرفوقـه
وخذاها خفيف النفس في دلـة الرسـلان"="بها طمغةٍ مـن حقوهـا فـوق مدقوقـه
وبعد ساعـةٍ قامـت تواردهـم الذيـدان"="رتع كـل ذودٍ عقـب مشيـه وطاروقـه
رعت كل عشبٍ ٍخايـعٍ ماتبـي رعيـان"="مع كل شقـه عشبهـا تومـي عنوقـه
كساها الشحم عقب الهزل لين جات سمان"="فضايل كريم خـاط مـن جـوده إفتوقـه
فحلهـا مـع طرفهـا والوجيـه إزيـان"="كما الطار محني الزبد يضـرب أشدوقـه
الا ياوجودي وجد مـن فـارق البـدوان"="طواه الهيـام وثومـة القلـب محروقـه
انا ما ذبحني كـود مـن عودهـا ريـان"="كما غصن موزٍ تدبـح بروسـه عذوقـه
رقيـق المعنـق كنهـا قايـد الغـزلان"="الا من مشت كنها مـن الحقـو منتوقـه
جرحني وراح ومكسبي منـه الحرمـان"="جداي الونيـن ودمعـة العيـن مدفوقـه

كذلك له هذه




رقا من فقد الأحباب فـي مرقبـه رقـا=بدع ما بصدره من تحت عوج الأضلاعي
بقا الدمع يذرف مير مامنـه شـن بقـا=نبع من نظير العين في وصف نباعـي
شقا قلبي المذهـوب فيمـا لقـا شقـا=طبع وانطبع في حب زينات الأطباعـي
هقا ان الهوى سلام فـي هقوتـه هقـا=درع في شبك سجنٍ به الناس دراعـي
لقا القلب عوقه مثل قيـس ومـا لقـا=لقع وانلقـع قلبـه بعشريـن لقاعـي
تقا لو حصل لي من لطيف الحشا تقـا=ردع سيفه اللي ما لـه اليـوم رداعـي

[موادع]

وله في النصيحة



قـال الـذي جـزل المعانـي بدابهـا=مثايـلٍ بالجـاش فـاض الحشابهـا
تنهـال مـن رمانـة الصـدر كنهـا=حشـد اورود يضـيـق الفضابـهـا
لاطاب نوم مكسـور النـوم وارتمـى=يامـا حـلا دراجهـا فـي كتابـهـا
مع طبخـةٍ ماهـا علـى قـدر بنهـا=شغالها عقـب العتيـم أختـلا بهـا
قلبـه يحركهـا وفـكـره يحوفـهـا=مادقـه الهاجـوس حيـن أبتدابهـا
يحوفهـا اللـي دايـمٍ مغـرمٍ بـهـا=مع هجعـة النيـام نجـره عوابهـا
شقراً كمـا نظـم الزعيـري دقيقهـا=بريـةٍ وقـيـاس مـاهـا هبابـهـا
لامن حكمها راعي الكيـف وأستـوت=فـي دلـةٍ صفـرا يطيـب اللقابهـا
ريحة نسمها ريحـة الطـل بالنفـل=بفياض نور الشمس حـرك ضبابهـا
فنجالها يقعـد خـوا الـراس بنتـه=يطيـب للشـراب لــذة شرابـهـا
وإلى حصـل لـي ماذكرتـه ترنمـت=عين تجافـي موقهـا مـن عذابهـا
عينٍ تجافت حـارب النـوم جفنهـا=ممـا شغلهـا طرفهـا ماغفابـهـا
وا قلبي اللي كل مـا قلـت ينجلـي=هـمٍ معاليـق الـفـؤاد التوابـهـا
هات القلم يامهجة الـروح والحشـا=واكتب بيوتٍ صايب الـراي صابهـا
مثايـلٍ نعطيـك منـهـا ثمينـهـا=يلـذ بالطـرس الجديـد انسحابهـا
واسمع جواب مجرب المدن والقـرى=مـرت عليـه التجربـه وأكتفابـهـا
يافهيد بوصيـك مـن مدخـل الـردا=لاشفـت بيبـان الـردا سـد بابهـا
وأحذر جليس السوء يطرح مهابتـك=عند الذي في ماضي الوقـت هابهـا
صادق عريب الجد والخـال وأمتنـع=من هافـيٍ يهفيـك باللـي هفابهـا
وأحذر مـن الرديـان شذابـة القفـا=عقـاربٍ سـودٍ تـلاطـم أذنابـهـا
تـرى بوصـيـك ياطـيـب النـبـا=ترى الفروض الخمس ما ينصخابهـا
اكمل شروط الديـن تكمـل معزتـك=عسـاك تلقـا عنـد ربـك ثوابهـا
وأحذر يغرك من يضحك لـك بناجـده=تـرى الصـدور بحـور مايندرابهـا
أفهم جواب مشوبر الثـوب والبـدن=جغرافـي الأخبـار لاغـاب جابـهـا
ماكل مـن صـادق صديـقٍ يسـره=تضيع لا جـات اللـوازم أصحابهـا
ياكثـر خـلان الرخـا حـزة الرخـا=وان جاء نهـار الضيـق ماينبدابهـا
خلان مـن دامـت لياليـه واقبلـت=وان طالـت الأيـام بـان الردابـهـا
ومـن لا يقـدر صاحبـه لا تقاربـه=كم رفقـةٍ بعـض الرجـال أبتلابهـا
ومن إستشـارك لا تفيـدك مشورتـه=تـرا بعـض الأشـوار مايقتدابـهـا
ولاتبدي أسـرارك لمـن لايصونهـا=تـراه لامـن غـاب عنـك حكابهـا
أشبـاح بـالأرواح تلـوي وتلتـوي=دايم علـى الغـرات ينقـر غرابهـا
وإن ماقرا الإنسان يسـأل مـن قـرا=لين يعرف الأخبـار ولـو ماقرابهـا

[موادع]

ابهـا
في لي
يالله يامـن كـون الكـون وأعتلـى=بامـره تدبـر خلقهـا وأعتنابـهـا
الواحد المعبود في الأرض والسمـاء=مكـون الدنيـا وأهلـهـا ومابـهـا
ماتملكـه الأبصـار وهـو المقتـدر=سبحان خالقهـا ومجـري سحابهـا
ربٍ خلق مالج فـي الأرض والسمـا=علمـه يحيطبهـا ونـوره سعابهـا
أمره مابيـن الكـاف والنـون نافـذ=تاتيه كره وطـوع وأمـره قضابهـا
جـل وعـلا مالـه شريـك ينعـبـد=ذو رحمـةٍ يامـا ويامـا عفابـهـا
يغفـر ذنـوب المذنبيـن وينتـقـم=من روس قوم شـاف زود الطغابهـا
كـم قريـةٍ سـاد الفسـاد ربوعهـا=جاها غضـب ربـي وحـل البلابهـا
راحت بمن فيها من الخلـق وأنتهـت=جـردا صلـد حكـم الإلـه أنتهابهـا
الأعمـال بالنيـات والفعـل بالعمـل=فإن كـل نفـسٍ ينتظرهـا حسابهـا
يوم الشقـا يـوم اللقـا مابـه تقـا=يومٍ الفضايح تفضح اللـي مشابهـا
سبحان من نزل على عبـده الوحـي=وأدناه من ظهـر البـراق وسر
لةٍ يسطع على العـرش نورهـا=سبحان مـن قدالـه ليـن إقتدابهـا
نـاداه ربْ الكـون حـتـى قـربـت=به عند ربْ الكـون يـوم أعتنابهـا
مـن خالـقٍ ماغيـره أحـدٍ خالـق=لاراد ينهيهـا مثـل مـا أبتدابـهـا
أرسـل رسـول الله رحمـة للبشـر=بآياتـه العظمـى يشـع الهدابـهـا
رسول مـا بعـده رسـول ولا نبـي=جـل الـذي قـال بمحكـم أكتابهـا
عليـه أصلـي عـد همـالٍ هـمـل=مـن مدلهـمـات تثـنـى ربابـهـا
هذا وقلبـي كـل مـا قلـت يلتهـم=قـرمٍ لحاليـح المراجـل سطابـهـا
رجلٍ نشـا بالعـز مايقبـل الدنـس=لـه معجـزات حاسـده مارضابهـا
فعايلـه هـمٍ وغـمٍ علـى الــذي=نـاسٍ تقلـب مـن حسدهـا ثيابهـا
وهو الذي نال العلى صاحـب العلـى=بحر الندى من صغـر سنـه رقابهـا
رجلٍ خذا من حاتم الجـود والصخـا=ومخططـات بـن الوليـد أحتظابهـا
له سيره سارت على العـز والنقـاء=مرغوبـةٍ فعـل الجميـل أكتسابهـا
فإن كان مارد السلف صاحب السلـف=قلنـا بقايـا الـروح لا وا أسافابهـا
نظمت في عـذب السجايـا مثايلـي=لعـل ذا مـن ذاك يفهـم جوابـهـا
يجذب لها من مهجة الـروح جـاذب=الى شجـاع بـن الأصيـل انجذابهـا
شجاع لا اللي يكسب الجود والثنـاء=ذو همـتـه للطـايـلات اعتلابـهـا
شجـاع لا جفـت مناهـل عدودهـا=كالعيلم اللـي مـن وردهـا سقابهـا
شجاع يعرف بالوفـا صاحـب الوفـا=ذو كلمـة لابـت فيـهـا وفابـهـا
لاعـدت أفعـال النشامـا فعايـلـه=يشيـع بيـن الناخبيـن أنتخابـهـا
نلقـاه فـي عسـر الليالـي ولينهـا=لاصوبـت سلمـى علينـا حرابـهـا
يامـا نقـل مـن نقلـةٍ كـاد نقلهـا=لاثقلـت بكاهـل صديقـه رمابـهـا

[موادع]

شيـال حمـلٍ مـا يطيقـه شايـلـه=لابركـت بحمولهـا قــال أنابـهـا
بالجود والمجهود والطيـب والكـرم=شرع علـى كـل المناهـج أبوابهـا
أبو مبارك جامـع الجـود ةالصخـا=لا أشـدت الشـدة وبـان القسابهـا
شجاع من روس العرب قاضي الحسب=ليث تسلسل مـن سلايـل أصلابهـا
المشكل المامـون والصاحـب الـذي=يرسي كما ترسي رواسـي هضابهـا
نال الراجل وخضعـت لـه صعوبهـا=وهـو الـذي للفرقديـن أرتقابـهـا
لولابهـا وهـو الـذي يرتكـي لهـا=الـى عطـت منهـاج دربٍ عطابهـا
كم قدمت يمنـاه مـن طيـب العمـل=أفـعـال بــرٍ دايــمٍ ينجزابـهـا
هذا شجاع المجد في مقـدم السلـف=قـرمٍ نهـض للعاليـات وبدابـهـا
بدابها عرق الصخـا شامـخ الـذرا=ريف القطيع اللي تصـارف انيابهـا
لاجات من بعد الخطى تنهـب الوطـا=نواحـلٍ جـور الليـالـي حدابـهـا
تلفات مـن لـح العراقيـب والعصـا=دليلهـا اللـي جابهـا ماغوابـهـا
دليلهـا صـوب المجـرب يدلـهـا=شجاع عيد الجيـش واللـي لفابهـا
حوى الحلم والتدبير والعلم والذكـاء=ومناهـج الديـن الحنيـف أهتدابهـا

الأمثال كالبلور فـي صاحـب المثـل=وفي غيـر أهلهـا مانعبـر جوابهـا
الأمثال هي تنبيك عـن كـل حـادث=رصيـد قـوم فـي سجلـه اعرابهـا
الأمثـال بافعـال المناعيـر كنـهـا=قنديـل ظلمـا ساطـع الضيابـهـا
ولولا عريب الجـد مـازان نظمهـا=ولولا أختـلاف النـاس ماجيتنابهـا
قال الخلاوي فـي منيـع بـن سالـم=مثايـلٍ مــن عبـقـري ثنابـهـا
مثايلٍ مـن مجـد الأمجـاد مجدهـا=تاريخهـا الحافـل يجـدد شبابـهـا
والـى وقـت الخـلاوي وصاحـبـه=فأبـو مبـارك نالهـا وأحتضابـهـا
أبومبـارك كاسـب المـدح والثـنـا=يفداه مـن هـاب المراجـل وعابهـا
هو زبن من شحت لياليـه وامحلـت=لاعسمت الأشـوار جـاب الرخابهـا
وهو السند نعم السنـد كـل الرشـد=وهو الـذي سنـة رسولـه مشابهـا
هذا شجـاع المجـد والمجـد للـذي=قـرمٍ يجادلهـا وبـيـده قضابـهـا
افـداه بالـروح العـزيـزه محـبـه=لـو كـانـت الأرواح ماينفدابـهـا
ومـن لامنـي لاعظـم الله قــدره=لـعـل داره مايعـمـر خـرابـهـا
الله يلـوم اللايـم اللـي يلومـنـي=لاقلت في ضافي الخصايـل صوابهـا
هـذا وأنـا لـي وقفـةٍ ملـزم بهـا=حول العدود اللـي يحـز الرشابهـا
اما نجيـب الـري منهـا ونرتـوي=والا تطيـر مـن جباهـا عقابـهـا
سقنا الرحال بكل فـج مـن الفضـا=بـر و بحـر طفنابـهـا طفنابـهـا
نبحـث ورى كراسـة العلـم ربمـا=نلقى العذيقـة فـي صفايـح كتابهـا
هـذا وأنـا ودعانـي مـن قبيـلـة=دواسـرٍ وادي العقيـق أستمابـهـا
يامن طلبت القاف منـي خـذ المثـل=عساك تدركهـا الـى جـاك مابهـا
مثايـلٍ جـزل المعـانـي نظمتـهـا=غـرٍّ نواصيهـا نظـيـفٍ جنابـهـا
وعـرٍّ توابعهـا دمـاثٍ نحـورهـا=ياتيـك مـن وادي العقيـق انتدابهـا
أبيـات يرصـخ بالسجلـة ثقيلـهـا=وهـاج هايجهـا يزيـد أعتصابهـا
شارد علـى كـل المـوارد عدودهـا=وترسـي اليامـن الدليلـة رسابهـا
سحابـة نشـت ورشـت وغيـمـت=فـي عثـوةٍ قفـرٍ ينـز الندابـهـا
في القافـر المقفـور بنـت خيامهـا=ومتـد للقطـب الشمالـي حجابهـا
ومن لايحـل بطابـع الفكـر حلهـا=تجيـه حسابـات يضيـع حسابهـا
ومن سار في درب الندم حقـه النـدم=ينحـاه عـن نياتـه اللـي نوابهـا
ومن طاول أطول منه ضاعت روابعه=كم واحـدٍ عسمـات الأريـا غدابهـا
ومن علم النفـس العزيـزه تعلمـت=ممـا يهينـه عـز نفسـه رقابـهـا

[موادع]

ومن لا يدوس الراي بالراي ما وصل=مراجـلٍ بالجـود يمطـر سحابـهـا
فإن كان عساس الجبل سار بالجبـل=قلنـا عسـى يـارد مـوارد ذيابهـا
مـع الطريـق اللـي يدلـه وينثنـي=من غبةٍ من غـاص فيهـا غدابهـا
الهوز قبل الروز عيبٍ علـى الفتـى=كـم هـوزةٍ مـن هايـزٍ ينهزابهـا
أرفع لها يـا زيـد مادمـت مقتـدر=لاتستهيـن بهـا تحـنـي رقابـهـا
أما رعت عشب الوسامـي وفرعـت=وجـذت والراعـي اللـي جذابـهـا
جنـب عـن الهـزلات لا تعتنيبهـا=ترى الضعيفـة مـا يقـاد الرجابهـا
ياصاح مـن روس الشخانيـب تلهـا=واشتـر تبيـع ولاتحـرك أسبابهـا
فإن فكرك حار فـي البيـع والشـرا=فـلا تبيـع وتشتـري فـي ذهابهـا
أشتر تبيـع وخـل ماطـاح سوقهـا=تـرى الرخيصـة مايطيـب اللقابهـا
كـم ذاعـت الأفـواه مـن لايسرهـا=أمـا رمـت الإنسـان ولارمابـهـا
أصبـر هـداك الله لرشـد هــادي=ولا تسوق الطايشـة فـي ضبابهـا
الطايشات اللي يضيـع بهـا الفتـى=حاذور لا يفتـح لـك أبليـس بابهـا
ومن يتبع العوج الملاويـح لوحتـى=رجليـه لابيـن نـزيـف الدمابـهـا

ومن كان داس النار بصخيف القـدم=تـراه ينـس حـرهـا لا وطابـهـا
ومن شب فـي داره مشاهيـب نـاره=يحصـد رمادتهـا وطرفـه بكابهـا
وإذا الفـتـى مافـيـه رايٍ يـدلـه=تجيـه لـومـة لايــمٍ مادرابـهـا
ومن جرب الأسفار بالسير والسـرى=مـا تجهلـه فيافـيٍ قـد مشابـهـا
ومن لا يدل الراي عميـت بصايـره=ومن تاه بالمظمـاه يلقـى الظمابهـا
ومن حل وديان الجهل مات بالجهـل=لو هو بصير العين يلقـى العمابهـا
دنيـا الفتـى كالظـل والظـل زايـل=لوطـال عمـر ابـن آدم مابقابـهـا
كم ضاع من لا باع فيهـا ولا شـرى=دنيـاً تواثـب للغلـيـب إنقلابـهـا
ومن يعطـي الحسنـا ويتبعهـا أذى=لايرتـجـي غفرانـهـا والأذابـهـا
عـود النصيـه مـا يظلـك ظلالهـا=هل يتقـي الإنسـان حيـن أتقابهـا؟
والعارض المنقاد هو مزبـن الفتـى=والحنظليلـة مـا يفيـد الذرابـهـا
قلت القليـل مـن الكثيـر ولايبقـى=الا النصايـح كـود نلقـى ثوابـهـا
نصايـحٍ مـن ناصـحٍ منصـحٍ بهـا=لعـل ذا مـن ذاك يفهـم جوابـهـا
ياصاح باوصيـك وأحفـظ وصيتـي=وصيـةٍ لـو كـان تلقـى الشقابهـا
مرقى العلا فيما عـلا يمنـع الفتـى=ومـن لايمـاتٍ مشرجـاتٍ إعيابهـا
والثانيـة بحـث الجحـور المظلمـة=بلـوى تزيـن للغشيـم أرتكابـهـا
والثالثـة طـرد الـردا يـرث الـردا=وتـرك القـوادي آفـة يندعابـهـا
والرابـعـة لاقــرب الله دارهـــا=المرسـلات اللـي تنابـح كلابـهـا
والخامسـة ياصـاح لاتبتحـل بهـا=سقهـا وخـل عيونـهـا عقابـهـا
من ناقـدٍ يلمـس ملامـس أبنودهـا=يبديلك اللي مـا حسبـت أحتسابهـا
هذا مضى واللي مضى راح وانقضـا=والمقـبـلات النافـعـة ياهلابـهـا
تسند لبن قرموط حيـث إنـه السنـد=للعارف المعـروف طاعـة أصعابهـا
تعـذرت الأوراق والقـاف مانتـهـى=والرايـد المريـود جوهـر كتابـهـا
شجاع وافي البـاع لشتـد واسرهـا=دنيـا تهـز الكاينـات اضطرابـهـا
وصلاة ربـي عـد مابـان والتقـى=علـى رسـول الله صفـوة أعرابهـا



وله هذه القصيدة المشهورة أيضاً


صرخة نداء ما وقف اليأس دونها= لعـل كـل ربوعنـا يسمعونهـا
صرخة نداء من فاه خمسين لحيـه= من كوخ معدوم الونس يرسلونهـا
صرخة نداء ما جاء بالأيام مثلهـا= لو مرت الضلعان هزت أركونهـا
صرخة نداء ما يقدر أحد يردهـا= دون النشاما ماحـد حـال دونهـا
صرخة نداء تنخا الوداعين كلهـم=وهم الذي لاستدركـت ينفوعنهـا
تمر بأهل الخرج كسابـة الثنـاء= رواشـده بفعالهـم يضمنونـهـا
ومنهم إلى دار السليل ومـن بهـا=ربع الى سمعـو بهـا ينطحونهـا
مدو لها الكف الكريمـة ورحبـوا=يقابلها مـن قبـل مـا يسألونهـا
ما يدخرون اللي وراهـم ودونهـم= كـل العلـوم الطيبـة يدركونهـا
صرخة نداء ملزوم تكمل مسيرها=تنصـا الـوادي وتلقـا زبونهـا
لاجات سوق الخماسيـن طوحـت= صوت الحماسة لين يحمر لونهـا
يحبونها اللـي ماضيـات أفعالهـم=بأفعالهـم وأموالهـم ينصرونهـا
من فرق الوادي الى الخرج منتهى= شان الذي بعزومهـم ينهضونهـا
أهل الوجيـه الطايلـه دام عزهـم= كـل الثـلاث الكايـده يملكونهـا
الفكر والتمييز والسيـف والكـرم= تزيد مع الأيـام مـا ينقصونهـا
تاريخهم بالعـز والمجـد يرتفـع= وهـم الـذي بفعالهـم يرفعونهـا
يا مكرمين الضيف والجار والخوي= قومـوا لهـا مادامكـم تلحقونهـا
الأيام طالت والليالـي عثـت بنـا= تهومنـا والجـوع قـط بطونهـا
وحنا ليـا منـا ذكرنـا وجودكـم= ضحكت لنا الدنيا وهزت متونهـا
وختامهـا منـا سلامـا يعمـكـم=إعداد ماهل المطر مـن امزونهـا رحمه الله وأسكنه فسيح جناته ... اللهم آآآآآآآآمين


وتقبلوا فائق التحية والتقدير

أخوكم / مـــــــــــوادع

[حزين الحرف]

أخوي موادع
أبداع يتوالى
أشكرك على
هذه الكنوز التي جمعتها
وأهديتها لنا
هدية غالية
تستاهل التثبيت والتنسيق كما
طلبت
لا تحرمنا من أبداعاتك
يشرفني ويسعدني أن اكون أول من رد عليك

[موادع]

حزين الحرف

هلا وغلا ومرحباً بالمتألق على هذا القصر في هذا الصرح العظيم والعملاق لايسعني

الاّ أن أقول الله يخليك لنا وجعلك ذخر والله لايهينك على التنسيق الجميل شاكر وممتن

لك ماقدمت لي وللمنتدى وللأعضاء

تقبل فائق التحية والتقدير


أخوكم / مـــــوادع

[حزام الودعاني]

موادع الأسم الذى ارتبط بالتألق والأبداع فى سماء منتديات الولامين
وحلق بنا فى اجواء شعريه رائعه للشاعر الفحل الجزل ابو ظافر رحمة الله عليه وعلى اموات المسلمين أجمعين واسكنه فسيح جناته
نشكرك كل الشكر على ماقدمت وتقدم لنا هنااا وهناااك


ابوعبدالله

[موادع]

أبو عبدالله

ياهلا وغلا بالأستاذ / أبو عبدالله ونحن لم نقدم ربع ماقدمتم بل نسير على نهجكم ومسيرتكم

في هذا الصرح العملاق أخي إننا نسعى جاهدين للرقي بمنتدانا إلى ماهو أفضلوسنستمر على

ذلك وبمساعدتكم وتوجيهكم وتصحيحكم لإخطائنا


وتقبل فائق التقدير والأحترام


أخوكم / مـــــوادع

[bader]

مـــــوادع

رحم الله الشاعرالكبيرشلعان

واسكنه فسيح جناته

وتسلم على نقل هذه الدرر

بانتظارالمزيد

[موادع]

bader


هلا وغلا ومرحبا وحياك الله أخوي وأشكرك على تواصلك الدائم


أخوكم / مــــوادع

[الزير سالم]

شلعان بن ظافر



شاعر كبير غني عن التعليق والاطراء



له مكانة عالية في نفس كل من يفهم الشعر ويقدره



اسأل الله ان يعلي قدره في الجنة



وشكرا لك .. اخي العزيز ..

[موادع]

هلا اخوي الزير سالم ونعم غفر الله لشاعرنا

وتجاوز عنه وادخله فسيح جناته

انه ولي ذلك

آآآمين


واشكرك على مرورك

أخوكم / مـــــوادع

[أبو سعود]

رحم الله الشاعر الكبير

شلعان بن ظافر واسكنه الله فسيح جناته

اخي موادع لاهنت على هذا الجهد الجباو وفقك الله

[موادع]

ابن عريمه


هلا وغلا ومرحبا وحياك الله أخوي وأشكرك على تواصلك الدائم


أخوكم / مــــوادع

[راعي الطيب]

رحم الله الشاعر الكبير

شلعان بن ظافر واسكنه الله فسيح جناته

اخي موادع لاهنت على هذا الجهد الجباو وفقك الله


اخوك راعي الطيب

[أبومالك]

أخوي موداع
لاهنت على هذا النقل الطيب

لك مني التحية,,,

[مكلوم الحب]

عزيزي موادع

سلم بنانك

ورحم الله الشاعر الكبير شلعان الودعاني

[أبو سعود]

اتمنى من الأداره تثبيت هذا الديوان

ياليت يثبت لان الشاعر شلعان رحمه الله يعتبر من كبار شعراء

قبيلة الدواسر رحمه الله رحمة واسعه

تحيااتي

[أبو سعود]

احببت ان يكون هذا الموضوع

في المقدمه وكما اني ارى انه يستاهل التثبيت

يايلت يتم تثبته



تقبلوا التحااايااااا

[@الطرقا@]

أخوي الفاضل موادع


أشكر لك مشاركتك التي بالفعل تستحق التثبيت


وماللشاعر أيضا من مكانه تستحق أن تقدر كلماته لمن لهم ذائقة وحب الشعر


الله لا يعوق يمناك وبأنتظار جديدك

وأخص بالشكر أستاذي الفاضل حزين الحرف لتكرمه بتثبيت الموضوع

تقبل تقديري وأحترامي أخوي الفاضل الموادع

[2في1]

تسلم على الديوان
رحم الله الشاعر واسكنة فسيح جناته