مـرباع القضي بالصمان

[المولع]

سمعت الرعود وهزني طاري الوجدان
وتذكرت مرباع الغزيل بصمانه
تكسر رعوده يأبو ماجد على خيطان
وأنا ودي أنه يرهج الصلب ربانه
أنا ودي أنه يوم خيل على الصمان
على الديره الي يمها النفس طربانه
حقوق ن خياله يرهج النفد والجيان
غشا صلب حسناء وأصبح الصبح مليانه
شمال ن ليا الباطن وجنوب ن ليا ساقان
تهشم أرعوده بمر من كون أمزانه
ويأخذ ثمان وخمس وأربع على البرهان
وقالوا ترى الفاطر ضحى اليوم شبعانه
غشا الصلب نوار الخزامى مع الحوذان
تخالف نواويـــره بصلبــــــه وجيانــــــه
مداهيل صفر ن ماتذير مع الدوشان
حموها بشلفا من سقى الموت رويانه
بدهم الفرنجي والأصايل مع الفرسان
ترد المجــوخ رد لــو عــرب حصانــه
ومطير العزيزه قادها فيصل الوطبان
عسى الجنـه العليا مقـره ومسكـانـــه
وانا لو بغيت الشرح سويت لي ديوان
ومـا قـل دل وزبـــدة الـهــرج نيشانــه
وسمعت الرعود وهزني طاري الوجدان
وتذكرت مـــرباع الغزيـل بصمانــــــه



الشاعــــــــــــر// بندر بن بطيحان المطيـــــــــــــــري

[محروم الايام]

ومطير العزيزه قادها فيصل الوطبان
عسى الجنـه العليا مقـره ومسكـانـــه
وانا لو بغيت الشرح سويت لي ديوان
ومـا قـل دل وزبـــدة الـهــرج نيشانــه

الله الله صح لسانك سلطان وصح لسان شاعرهااخوك الصغير محروم الايام

[نهار]

صح لسانك سلطان وصح لسان شاعرها

[المولع]

صـــح بدنك

أخوي محروم الايام




أخـــــوك الكبير

ســــلــــطــــــ القلوب ــــان