التارده (للوداعين)

[wadi]

ان اهل الوداي الوداعين في وقتهم من شروطهم يوم انهم يحمون الوادي ، ناقتهم لا خذاها قوم وعرفت عند اي واحد من اهل الوادي يجب انه يردها للوداعين واسمها (التارده) ورفاقتنا كلبوهم يعرفون التارده.

حتى الشيخ مناحي بن حزيم الرجباني من شيوخ الرجبان يقول :


ان كان يطرون سكّان البلـد *** فأهله (وداعين) توطي العايله
التارده من كل مخّـاذ ٍ تـرد *** وان كان ماقلته فكلن ٍ قايلـه



فالتاردة هي:

اذا اخذوا قوم معادين ابل من الوداعين وجات عقب سنين وعرفت عند واحد من الدواسر يردها للوداعين

[F15]

السلام عليكم
اخوي وادي ارجو انك تتاكد من القصة وتطرحها لنا
وتكتب قصة التاردة من - الى . وتكتبها في نفس الموضوع
ونحن في انتظارك .

[بن ولمان]

كلام آأإخوي f15 عين الصوأب

ياليت تتاكد منها .. واذا ماعليك امررر عطا الموضوع كامل

ولاهنت ع الطرح

[ابن ولمان]

اوافق اخواني الرأي

وبيض الله وجهكـ عالموضوع

[saad2008]

السلام عليكم

أخوي وادي والمشاركين

باالنسبة للتاردة هذه سلم وملزمه للوداعين وقصتها وسبب إنفراد الوداعين بها من بدت القبايل أنا اقولها لك ولأخواني الوداعين حسب ما سمعته من جداني ومن شيبان ماتوا رحمت الله عليهم حين سألتهم ليش التاردة وش معنى هالكلمه وليش الوداعين ووش قصتها - لأن بعض الناس يخلطها بالسوالف الثمان وهي من ضمنها في قصيدة بس وش قصتها- وبعضهم يجيب قصيدة مذكور فيها
(هل التارده)

فأنا أذكر لكم ما قيل على مسامعي من شيبانا - والله أعلم

التارده للوداعين والسبب في خصوصيتها بأنه كان هناك مجموعه من الدواسر من بطون مختلفه ومعهم أبلهم ووردت الأبل على - عد - للقحاطين وفيه منهم مجموعة وهم كثر واقفين على العد وقالوالقحاطين للدواسر( ما تارد أبلكم على الماء إلا تعطونا منها عن كل عشر ناقة)فوافقو الدواسر في ذلك الموقف - ما عدا الوداعين -رفضوا وقالوا والله لو نفنا حنا وأبلنا ما نعطيكم منها راس، سوف نسوق أبلنا للوادي واللي يكتبه الله يصير- ثم ألتفت كبير الوداعين في ذلك الموقف - ويقولون الشيبان إنه من الولامين -قال يا عيال العم ترى إن وصلنا للوادي سالمين إنا و أبلنا تعطى لنا التاردة( لأنها تعني عودة الحلال لأهله عندما يؤخذ كرها أو بالغصب سواءا أبل أو غيره)لأنه قبل هالسالفه كانوا الوداعين يستنجدون بهم الناس عندما تسرق أبلهم أوتسلب فكانو الوداعين من شجاعتهم يردونها بالقوه لأهلها ، فصار هالموقف اللي تسبب في توثيق هذا اللقب بموافقة جميع بطون الدواسر ثم سمعت به جميع القبائل الأخرى- وصارت التارده من ذلك الوقت ملازمة للوداعين وهذا الموقف بالفعل يتوافق مع أي بيت شعر في هذا الخصوص سواءا للشاعر بن حزيم أواي شاعر يذكر هل التارده وهم الوداعين.

هذا ما قيل لنا وسمعناه وأقرب للصواب

وصلى الله على من لا نبي بعده محمد بن عبدالله عليه الصلاة والسلام

[ندى الورد]

شكراً على الايضاح ونرغب في المزيد