المساعد الشخصي الرقمي

مشاهدة النسخة كاملة : قصــــــــــــــــــــــيدة ( مصلحــــــــــة)

walem
14-02-2003, 09:52 PM
الشيخ سيف الغوينمي من الولامين أحفادة لا زالو موجودين , كان رحمة الله في الأحساء سنة 1200 هجرية تقريباً يقال أنه في أحد المناصب .

وصلة أن جماعتة الوداعين في الوادي بينهم شىء من الحرب أو التنازع فما كان منه رحمة الله الا أن كتب هذه القصيدة وأرسلها لهم . وعند سماعهم لها أراد الله أن تكون باب لصلحٍ فيما بينهم وسميت (مصلحة) .

كتبتها منذو تسجيلي في هذا المنتدى الذي يحمل أسم الولامين وذلك يعود أنها من القصائد التي تتردد في مجالسهم بما تحتوية من حكمة ودعوة الى التآلف وذكر لمآثرهم.

عند مراجعتي لها وجدت فيها من الأخطاء الإملائية ما يحتم علي كتابتها وتنقيحها لتظهر بما يليق بها .

أرجو من الإخوة الأكارم إذا وجدو شىء يتطلب التعديل الايبخلو علينا .

لكم جميعاً منتسبي وزوار منتدى الولامين جٌل التقدير والإحترام.



أوصيك يـــا منه صـدوق صــادق = أحفـظ وصاتي وأتـعـــظ بأمثــــالها

ترى المثايل للرجــال عـــلامه=تهدي بها طرق الهـــدا وأسبــــالها

من حاذق(ن) قد قاس الاشــياء كلها=ومغـربـل(ن) بدقــاقــها وجــــــلالها

أما مــلاواة الــحروب عرفـتها =وهي البحـــور وكم غدا في حــــالها

ترى الحروب مـايسعى بهن مشبب= كــــم دفـنـت بـينــاها خـمـــالها

فما الخصم روس النقم بهمومـها = تسّــهر طويـــل الـليل من محـــالها

فلا خــير في هرج(ن) يكذب قايـله =لا عـــّرضـت الأقــــوال في مظـــالها

فيا حزمي أركب من على منجوبه=يعجبك في جـــو الخــلا سـربالها

صـفـاقـة صعـــاقـة سـبـاقـه = تشدي الربدا يـــوم حل أجفــــالها

منجـــوبة معـلومة مجــنـونه = تجفل الى شــافت ســواد ظــــــلالها

عـشـر لـيـال(ن) مـايهون ربخها = والعشــر الأخـرى مخـطرِ(ن) بقفـــــالها

تنشر من هجــر المسمى مجـنـب =بين الجـنوب وبين نـفـد أرمـــــالها

تحط الدروب المخطره بيمـانها= وتحط (يبريــن) الوبا بشــمــالها

ثم نصّها الأفـــلاج فنها ديـرة=من منوة أهـــل الهجن عند إنكــالها

إي والله ديـرة(ن) وقــبـــيلـة=لـــــون فيها ريــــسٍ يرفـــــالها

أبــدوية(ن) شــاوية(ن) أحــضــرية=كـل المعــاوش تجتمع في جــــــالها

أختص من يدعى بعزوة نــابــت= مــــراجل الدنيا غدو بأنـفـــالها

متحملين(ن) الحرب كل قبــيـلـة= بـين الجــنوب وشرقــها وشمــــالها

لاجـيت بامـدح ذا إلى ذا مطّوف=مـثل الـدراهـم يـعجبك صـلصــــالها

ثم نصها الهــدار فيها جعيثن=( من منوة أهل الهـجـن عند إنكـــالها)

سـلم عليهم وأنت فوق نجيرهـا=ولا تريض لــو على فنجــــــــالها

أحـــب لامرتّ ذلــولي ديـــرة= تطري الرجــــال الطيبه بأفـــعالها

ترى في الرجـال مقّدمٍٍ وموخــر=مثــل الـيمين أتــمد قبل شـمــالها

وترى في الرجال مثل الجبال شوامخ= فيه الذرى والماء وزبن أوعــــالها

وترى في الرجال مثل الرمال مهالك= لاتمنع العـــاني ولا يعنـــــــالها

إن جيتها في الحر يؤذيك حرها= وإن جيتها وقت الشـتا برد(ن) شمـالها

ترى في الرجال مثل الحماطــه= ترى الحمــاطه مـــا يظل ظـــــلالها

وترى في الرجال مثل الكتـادة=ترى الكـتــادة مــا يخـلّ خــــلالها

وترى في الرجـال طيب ومعــيّه=كــب المعــيّه حــرمها وحــــــلالها

أرد السليمة كان خفت من الظما=وانــص الرجـــال وخــل عنك أهزالها

أجزع إليهم بالركـايب ونصهـم=روس الركــايـب لا تطيع عــــــذّالها

أنص الوداعين الرفاع أهل الثنا=أهل الــصـخا وأهل العطا من مــالها

ترى الجار لا من داس فيهم زله= رفـوه وكــبو أقصـــارها وأطــوالها

أقصد هلّ الفرعه وهم مقصودها=وهم غـــرضها يوم شِّـد رحـــــــالها

رز اللوا بين القصور وصحلهم= حتي تجــيك أفروعــــــها و أدوالـها

قل أصـلحو دون القبايل بينكم=ترى الــحروب تصــير جـذب أخــــلالها

لاتنتخون أعيونكم بيمـــانكم= تاطـــــاكم العـدوان وطي إنعــالها

ضفوا جماعتكم وغمو حفــكــم=ولا يشـيل الـــحِِمل كـون أجمــــالها

ولاتطيعيون الـقرود أهل الردى=مــا يمدحــون أهـل الردى بفعـــالها

عـدوانكم أحبلوا لكم حبــايل= ترى الــحرار يصـيدهـا حـبـــــالها

أسـقوقكم السم المصفى بالعسل= اللي العـــافية الـبدن ســـــلالها

العفو ماكثر في البلاد عدوانكم=بــانـو فـلاكــن المـلامه فــــالها

ولا تمسي إلا مصلح(ن) شافاتهــــم=ماتـمدح الــيمني بقطع شـمـــــالها

ثم شق جيب الثوب وأظهر عــارى= ثم أفصــخه بين النـساء ورجــــالها

قل لهم جرا منكم ثمـان سوالف=كل(ن) يصـــدق قــــايل(ن) لاقـــــــالها

الأوله منها المبيعيج نـاصــر= زلّـــت غــرير ســـببت لاجــــــالها

جـره عليه ولاط حلـقـه فوقـه =وقــال الـثيار حـــلاتها عجــــالها

والثانيه لاباق واحد(ن) في سـيره=أذبـحوه ذبح الشــاة وسط احــــلالها

يـبون مثله ما يهم إبمثالها=ولا الـــديه سـتر(ن) لــها وجــــمالها

واللي فعل ذا الفعل لاد عويمر=وهم أفـــحوال المرجـــله وزحــولها

ترى مثار الصدق يبعد عن الردى=وترى الــهروج تضـيع كـون أصــمـالها

والثالثه يوم طاح العاطفي في حسينا=عطـــاه ســـعـد إديه وأمثـــالها

وأمه عجوز(ن) ضـامين(ن) حوشهــا=راحـت تشـيل حمـولها وأجمــــــالها

فذا شرعنا في الجار لاجا عندنا=إتعــلم بها عقـــالها جهــــــالها

والرابعه منها بيان ابن سليم= في البير طـــاح وطق راسه جــــالها

ظهر لنا لا فيه فـعل(ن) بـيــّـن= في جبهـته مطــرح ثــلاث أقفــــالها

هو جار كسّـاب المراجــل مانع=كسّـــابها فــيـّـادهـا ختـّـــــالها

عطاه صفراً سابــق(ن) معلومــــة= صــفرا تشــوق العين من خيـــــالها

أول فوالتها أربعين جـذيــبه=ذود الـمريــخي يـــوم ربي زالـــــــــــها

والخامسه الجدار منها ودا أبن خليّف=عطا أدية(ن) وقف(ن) بغـير امهالها

أفهاذي خمس(ن) ما فعلها غيرهــم=مـن طـلعة الـبيضـــأ الى حـــوالها

والسادسه لاجات السنين الممحله= وإن كــف من وبل السـمـاء همـالها

منصى ومناخ لمن ركبو النظــا=لامن أختلط عـقب القفـــال أحـبـــالها

يالـقون بشــاشـة وهـشــاشـة=وفــرش(ن) أيـقــلط فـــوقهن أدلالــــها

وصـحون ســري(ن) بينهن نـحوتها=ســـمن يـــداري دفــقها شـيـــالها

وشـحوم ضـان(ن)فوق صـفّرْ فتاتهم=والفـــقار دايــم(ن) يــــعـبـــالها

والسابعه زبـن المجـنـا لاوزا= يــامن ويبســــط في براد ظــــلالها

ولا يطــوله كل منهو طـــالبه= ويحط عــلوى فــــوق روس أجبــــالها

والثامنه حمايه بجـنودهــــا=تحــمـي ولا تعتــاز مــن يحـمـالها

مثل الخلاصـه يوم يوقد كرهــا=تنفخ وكــــل قـد عـــرف غربـــالها

والتاسعه ما يصبرون على الخطا=ولا تداري فـي الخــــطا أعيـــــالها

يخزمون صعوب الشره لين تحطها=مـــثل المعـيد تســوقها عــمــالها

فأنا أحمدالله يوم أنا من روسـهـم=تلحـق عـلــومي بالجـمـيـل أفعـالها

من لاد والمــــان(ن) سلالة غانـم=أخـــذو المـــراجـل دقهـا وجـــلالها

لاجـيت أعد أفعالهم ماحصيتهـا=من كـــثر مـــا بي يفتضـح قــوالها

فزاعـــة(ن) نزاعــــة(ن) بزاعـــه=مثل الأســـــود تجور في مصـــــالها

فياما هفى في ورّدْهم من نـادر=لامن ضــــوي الحـــرب شــب شعــالها

كم كاعب(ن) منا تجبّ جعــودهـا=لبسـت أثـياب الـسـود عـقب جمـالها

لاسـقـفّ البارود دجرة روسهــم=تقـضـي جـمــوع الضـــدّ في سـبـالها

لامن بغيت من الحروب تخــــلص=أكثر عـليها مــن وقـــود شـعـالها

حتاك تعــلا كل راعي طـلابـه=كما إعــتلآ الـــعارف على جـهــالها

وباب النجاة الصدق لاجا صـادق=فــإن زاد برطـــيل فــزد برطــالها

ترى موازين الرجال جليسهـــا=وبــعده تـــعرف خــيارهـا وأنذالها

وأنا في موازين الرجال عرفتها=بالنطـق تعـرف عـدلــها وميــــالها

وثالث موازين الرجال كـما هي=وبعده تعــرف أخـفــافها وثقــــالها

إن كان شيخان الديار أهل الثنا=تعطي وتفــعل جـــودها من مــــالها

جيرانهــم من عــزة(ن) في عــزه=رفــايـــة(ن) لفـتــوقــها بشــــلالها

فإن كان شيخان الديار هــوام=تـــاكل ولا تــكل أفقطع أســــــلالها

أوصافهم مثل البغول الربّـــخ=مــاحـصــلت لبــطونها وأعـــــيالها

والجار يمسي بالمهونه بينهـم=كــــب الــوجيه الـــظالمه وفـالها

وختام قيلي الصلاة على النبي=إعــــداد حــجاج تمر أمـيـــالها
نهار
15-02-2003, 12:06 AM
مشكور اخوي علي تلبية الدعوة
قصيدة في قمة الروعة رحم الله قالها وسلمت يمبن نقلها
الله لايحرمنا هالطله بارك الله فيك
تحياتي
ابوسعود
15-02-2003, 02:42 AM
ما قصرت على القصيدة التاريخية

تحياتي لك اخوي
الخيال
15-02-2003, 02:23 PM
ماقصرت وبيض الله وجهك

تحياتي لك بالتوفيق
محروم الايام
15-02-2003, 10:43 PM
الله يعطيك العافيه اخوي على ها القصيده الرائعه ورحم الله قائلها واسكنه فسيح جناته
walem
16-02-2003, 08:17 AM
الأخ العزيز نهار


أشكرك على الدعوه

وعلى طلبك هذه القصيده بالذات .

وتحياتي للقائمين على هذا المنتدى
walem
16-02-2003, 08:28 AM
ألأخ العزيزsam7an

أشكرك على تسجيل حضورك

لك كل الود
walem
16-02-2003, 08:31 AM
الأخ العزيز الخيال

لك التقدير على مرورك وتسجيل حضورك

تقبل تحياتي
walem
16-02-2003, 08:37 AM
الأخ العزيز محروم الايام

الله لا يحرمنا من وجودك

أشكرك على ما خط يراعك

دمت عزيزاً
حزام الودعاني
16-02-2003, 04:08 PM
يامال العافية والله علي هذة القصيدة
قصيدة ولااروع ولااجمل ولااحلي
(المصلحة)
تسلم يمينك اخوي العزيز
^-_أبونـايـف_-^
16-02-2003, 06:50 PM
يعافيك ربي

القصيدة في منتهى الروعة والجمالية
الرايق2
18-02-2003, 04:00 AM
يعطيك العافية اخوي على الجهد المبذول

في نقل هذه القصيدة التاريخية
walem
18-02-2003, 09:07 AM
أخي walmany

الله أيعافيك وجميع رواد هذا المنتدى

أشكرك على المرور وتسجيل حضورك

لك التقدير
walem
18-02-2003, 09:11 AM
أخي ^-_أبونـايـف_-^

أشكرك علي تسجيل حضورك

لك الود والتقدير
walem
18-02-2003, 09:14 AM
أخي الرايق2

تحياتي لك على مرورك وتسجيل حضورك

تقبل تحياتي
مخاوي السراب
19-02-2003, 03:24 AM
صح لسان قايل الابيات رحمة الله علية والله يعطيك العافيه اخوي walem

وماقصرت وبيض الله وجهك
ابو نواف
20-02-2003, 04:02 AM
اشكرك على إدراج هذه القصيدة في هذا المنتدى الرائع حيث انها تشتمل على كثير من نصائح الطيبة
الخيال
20-02-2003, 04:50 PM
<FONT COLOR=#808000>ا</FONT><FONT COLOR=#848009>ل</FONT><FONT COLOR=#888012>ل</FONT><FONT COLOR=#8C801B>ه</FONT><FONT COLOR=#908024> </FONT><FONT COLOR=#94802D>ي</FONT><FONT COLOR=#988036>ع</FONT><FONT COLOR=#9C803F>ط</FONT><FONT COLOR=#A08048>ي</FONT><FONT COLOR=#A48051>ك</FONT><FONT COLOR=#A8805A> </FONT><FONT COLOR=#AC8063>ا</FONT><FONT COLOR=#B0806C>ل</FONT><FONT COLOR=#B48075>ع</FONT><FONT COLOR=#B8807E>ا</FONT><FONT COLOR=#BC8087>ف</FONT><FONT COLOR=#C08090>ي</FONT><FONT COLOR=#C48099>ه</FONT><FONT COLOR=#C880A2> </FONT><FONT COLOR=#CC80AB> </FONT><FONT COLOR=#D080B4>و</FONT><FONT COLOR=#D480BD>م</FONT><FONT COLOR=#D880C6>ا</FONT><FONT COLOR=#DC80CF> </FONT><FONT COLOR=#E080D8>ق</FONT><FONT COLOR=#E480E1>ص</FONT><FONT COLOR=#E880EA>ر</FONT><FONT COLOR=#EC80F3>ت</FONT><FONT COLOR=#F080FC> </FONT>
محمدفراج
22-02-2003, 02:21 PM
السلام عليكم




اخوي العزيز- والم


لك كل الشكر والتقدير على المصلحه الله يصلحني واياك والجميع


الكل يسال عنها وانت كفيتنا يا بعدي


لك كل الود والورد
walem
23-02-2003, 09:28 AM
الأخ مخاوي السراب

أشكرك على ما خط يراعك

تقبل تحياتي
رابط الجاش
26-02-2003, 01:46 PM
صح الله لسان الشاعر رحمه الله
ان كان للشعر ملاحم فهذه الملحمه هي شيخة شملها
وان كانت القصائد نجوم تتلالا في سماء الشعر فهي بدر تستضىء بسنا نوره النجوم
تتواضع المفردات امام هيبة فحوى الابيات
وتتلاشى الكلمات في غياهب الحياء من عصر غثاء الموروث الشعري
قصيده مكانها القلوب ودفاتر الاجيال
كم نحن احوج مانكون لمثل هذه الملحمه الناضحه بالعبر والتجارب

اشكر اخي الولماني على جودة اختياره لهذه الرائعه الادبيه
وهي بمثابة هديه خاصه مكانها في مكانتها

رابط الجاش
walem
25-03-2003, 09:30 AM
أبو نواف لا شكر على واجب

أشكرك على تسجيل الحضور

دمت عزيزاً
walem
25-03-2003, 09:32 AM
الخيال

الله ايعافيك

وتسلم اخوي
walem
25-03-2003, 09:35 AM
الأخ العزيز محمد

اللهم آمين

أشكرك أخي على المرور وتسجيل الحضور

دمت أخي عزيزاً
walem
25-03-2003, 09:37 AM
أخي رابط الجاش

أشكرك على هذا التعليق بما يليق بهذه الجوهره

دمت أخي عزيزاً
تواق
18-05-2003, 03:12 AM
الخ وآآلم الله يبيض وجهك على هالقصيده التاريخيه ورحم الله قائلها واسكنه فسيح جناته وامواتنا واموات المسلمين 00
فلك الشكر الجزيل على انارة هذا المنتدى بهذه الجوهره الثمينه0
تقبل تحياتي اخوك تواق
سلطان القلم
22-05-2003, 11:18 AM
نقف أمام هذه القصيده بتمعن فلا نجيد الرد لا لك ولا لصاحبها !!!
شموخ شاهق كجبال السراه ..
تصوير الماضي المشرف والمستقبل المشرق ..
اردت أن تختار لنا فعرفت كيف تختار ..
لله درك ما أعذبك ياهذا الرجل ..
تنتمي إلي شموخك بعزتك وترتمى بقوتك للجميل دائما ..
اشكرك ودعواتي لك بالتوفيق يا اخي العزيز ..
أما صاحبها فرحمة الله عليه واسكنه فسيحات جناته ترى لنا الدرس فها نفهمه؟!!!!!!!!!!.
شكرا لك على هذه المشاركة .
يقف قلمي عندما اجد مثل هذه المشاركات عن الكتابه ..
برافو لك على الاختيار .
برافو عليك بمنحنا الفرصة للرد عليك .
انتهى
سلطان القلم
walem
25-05-2003, 12:12 AM
أخي العزيز تواق

أشكرك على ما خط يراعك

تقبل تحياتي
walem
25-05-2003, 07:57 AM
سلطان القلم

هذي الساعة المباركه

وجودك شرف أخي العزيز
حديث المدينة
05-11-2003, 05:06 AM
يعطيك العافية اخوي على الجهد المبذول

في نقل هذه القصيدة التاريخية

ولكم اجمل تحية
معطي الحق
22-12-2003, 01:12 AM
الله لايهينك على اختيارك لمصلحه وبيض الله وجهك
walem
18-01-2004, 05:12 PM
الإخوة الأعزاء

حديث المدينة
معطي الحق

أشكركم على تشريفكم المتصفح
وهذا من طيبكم .

دمتم جميعاً أعزا
ضلام الليل
10-10-2004, 04:22 PM
يعطيك العافية اخوي على الجهد المبذول
الشجاع
28-11-2004, 12:22 AM
يسلمو اخوى قصة وقيدة جميلة هذا مانبحث عنه
بن ولمان
08-04-2006, 04:19 PM
ماااااااااقصرت على هاذي القصيدة اللة يعطيك العافية
دوسري بحت
31-08-2007, 06:36 PM
الله يعطيك العافيه اخوي على ها القصيده الرائعه ورحم الله قائلها واسكنه فسيح جناته
الفاهم
14-11-2007, 08:17 PM
الله يعطيك العافية
ومشكور على هذه
القصيده الرائعة
الـــفـــاهــــــــــم
آل محسن
03-12-2007, 02:33 AM
تسلم
يعطيك العافيه
:abf7:
روان
03-12-2007, 10:30 PM
وفقك ربي
روان
04-12-2007, 12:47 AM
=الله يعطيك العافيه اخوي على ها القصيده الرائعه ورحم الله قائلها واسكنه فسيح جناته[

ترحيب مني في عد الامثال

وللك التحيه من صميم الفواد
وحيد
09-12-2007, 06:03 PM
السلام عليكم ورحمة الله وبركاته




:cs7::cs7::cs7:لانه قصيدة جميلة وصح لسان شاعرها واشكرك يا walem على الموضوع



وحيــــــــــــــــــــد
وحيد
09-12-2007, 08:17 PM
مشكور على هذه القصيدة الجميلة واشكر من كتبها في المنتدى واشكر راعي القصيدة
ال حزمي
08-01-2008, 04:40 PM
والصلاة والسلام على سيد الانبياء والمرسلين سيدنا و نبينا محمد و على آله وصحبه وسلم ,,,


تعريف بإحدى قبائل الدواسر العريقة الا و هي قبيلة الوداعين ذات التاريخ الشامخ و الصيت الذائع و المجد التليد ..

وهي قبيلة شديدة البأس , عزيزة الجانب . اشتهرت بحسن الجوار و حماية الجالي

و تعد قبيلة الوداعين من اشهر قبائل الدواسر على الاطلاق و من اكثرهم عددا ..



ـــــــــــــــــــــــــــــــــــ ـــــــــــــــ ـ





" نسب الوداعين "


وهم ابناء الفارس المبيعيج ناصر بن ودعان بن سالم بن زايد , و هو ينتمي إلى العتيك بن الأسد بن عمران بن عمرو الملطوم ( مزيقياء ) بن عامر ( ماء السماء ) بن حارثة بن امرئ القيس بن ثعلبة بن مازن بن الأزد بن الغوث بن نبت بن مالك بن زيد بن كهلان بن عامر ( سبأ ) بن يشجب بن يعرب بن قحطان بن هود عليه السلام ..


ـــــــــــــــــــــــــــــــــــ ـــــــــــــــ ــــ





" تفريعات الوداعين "



قال الباحث المعروف عبدالعزيز الأحيدب عن الوداعين التاالي: -


الوداعين وهم يرجعون لناصر بن ودعان بن سالم بن زايد الملطوم الأزدي ويتفرعون الى : -

أ ) غانم بن ناصر ب ) لاحق بن ناصر

ينقسم أولا غانم الى : -


1- زايد بن غانم : -


ويقال لهم عيال زايد الصغير وزايد الكبير هو زايد الملطوم، وينقسم آل زايد بن غانم الى : -

آل عويمر ، و آل معني و آل ناهش ، و آل عريمة .

و ينقسم آل عويمر الى : -


وينقسم آل معني إلى داغر وآل سعدون وآل مطرف وينقسم آل داغر الى آل عبدالهادي وآل ثامر ،
ومن آل معني حويل الودعاني الذي كان له دور في الدولة السعودية الأولى وكذلك ابنه ادريس بن حويل .


وينقسم آل ناهش الى آل شارع والامارة فيهم وآل دليعة وآل سهيلان وآل خليان .

وينقسم آل عريمة ويقال لهم آل ناصر الى آل شواي وآل برغش وآل عبدالله ابن سعد وآل نهار .



2- سويلم بن غانم : -

وتشمل البطون التالية : - أ ) آل بنيان والاماره فيهم ب ) الضغمة ج ) الجماعين

د ) آل قرون و من آل سويلم آل وديان وهم مع الخماسين حلفا .



3- ولمان بن غانم : -

ويقال لهم الولامين ويقسمون الى : -

آل درعان وهم أمراء الولامين ، والصقر وآل مخرم وآل تميم وآل علفص وآل علي وآل مروان وآل حسن وآل دويس وآل نايف (وأل حزمي)
وآل شايع ، ومن آل شايع ( آل مانع وآل منصور) وآل حمدان ، وآل وادي وآل وسام.


4- دواس بن غانم : -

وتشمل البطون التالية : - أ ) آل عبيد والامارة فيهم . ب) آل مخيزيم . ج ) آل هاجد

د ) آل عبدالهادي هـ ) العجالين ويقال لهم الدعل وهم غير عجالين الفرجان .

و من آل دواس آل عريمان و آل غنيمان وهم مع الخماسين حلفا .


5- خميس بن غانم : -

ويقال لهم الخماسين وينقسمون الى ( آل سلطان وهم أمراء الخماسين وآل قطيم وآل راكان وآل جعري وآل مسيب
وآل مطرف وآل دايل وهم في مرات وآل القعيسات ومن القعيسات آل ثمر وآل بنيان) .


6 - الرواشدة من غانم ويقال لهم الرواشدة .



انتهت بطون غانم بن ناصر بن ودعان .

ونعود الى أولاد لاحق بن ناصر بن ودعان وأكثرهم في السليل ..


ـــــــــــــــــــــــــــــــــــ ـــــــ



وينقسم أولاد لاحق بن ناصر الى : -



1- خميس بن لاحق

وهم ( آل ضويان وآل حجي)


آل ضويان و تشمل البطون التالية : -

أ ) آل فراج والامارة فيهم . ب ) آل عبدالقادر ج ) آل هميل د ) آل مطيع هـ ) آل حليم

آل حجي و تشمل البطون التالية : -

أ ) آل يحيا والامارة فيهم ب ) آل شاهين ج ) آل حسين د ) آل عامر

ومن آل حجي آل مطلقة وهم مع الخماسين حلفا ً.


2- خليف بن لاحق : وتشمل البطون التالية : -

أ ) آل مانع والامارة فيهم

ب ) آل معتق



ج ) آل مسيب(فخوذ ال مسيب الي متواجدين في السليل والجوبه


ال دحيم

ال بنيان

ال كلابان

ال حاضر

ال جايد


الاحساء

ال عبداللة


بيشة و رنية

ال عبد الرحمن


د ) آل عريج


3- دليم بن لاحق وهم : - آل حنيش ، وآل محمد وآل نيف

آل حنيش وتشمل البطون التالية : -

أ ) آل نادر وفيهم الامارة ب ) آل مشعي ج ) آل فرحان د ) آل زويمل


آل محمد و تشمل البطون التالية : -


أ ) آل الروية والامارة فيهم ب ) آل فاران ج ) آل دمجان. د ) آل شبيب هـ ) آل حمدان


آل نيف بن دليم ويقال لهم آل نيف .




هذه بطون الوداعين في وادي الدواسر اما العائلات المتحضرة وهم الذين تحولوا من الوادي واستقروا في نجد كثير ونورد منهم حسب وردنا ونستعين بالله ونقول :

هذا توضيح للعائلات المتحضرة من الوداعين في مناطق نجد خارج الوادي.



1- آل شماس : -


ويرجعون لغانم بن ناصر بن ودعان وهم مجموعة عائلات ترجع لجد واحد هو شماس وقد اسسوا عدة بلدان في نجد وهم الغالب على سكانها ، ومثال ذلك بلدة القرنية ودقلة والعودة والشماسية والشماس ، وقد تحدث عنهم ابن بشر وذلك عند ذكره لعالم من علمائهم في عهد الدولة السعودية الأولى وهو الشيخ محمد بن مقرن بن سند بن علي بن عبدالله بن فطاي الودعاني الدوسري والذي ارسله الامام سعود بن عبدالعزيز قاضيا في المحمل ثم ارسله قاضيا في عمان ، ثم ارسله قاضيا لعبدالوهاب ابونقطة في ناحية عسير ، ثم حاول خورشيد باشا عندما غزا نجد واستولى عليها ان يلزم الشيخ بالقضاء فتعلل بأعذار فأذن له ورجع الى وطنه .

وفي الدولة السعودية الثانية ارسله الامام تركي بن عبدالله قاضيا على المحمل ثم في عهد الامام فيصل بن تركي ارسله فيصل قاضيا في الاحساء وقت الموسم فعلق في الاحساء بحمى ولم يزل محموما حتى توفي عام 1267هـ رحمه الله . وقد تحدث ابن بشر (( وسنورد موضوع مستقل عنها في قسم الأمراء والعلماء والأعلام)) .


وقد ذكرهم الشيخ حمد الجاسر في كتابة جمهرة الأسر المتحضرة في نجد واورد بعضا منهم .



1- آل سند في دقلة والقرينية

أبناء سند بن علي بن عبدالله بن فطاي بن حسن بن شماس.

2- آل مقرن في القرينية

مقرن بن سند بن فطاي منهم الشيخ محمد بن مقرن .


3- آل زومان في دقلة والقرينية وملهم والدرعية

أبناء زومان بن مقرن بن سند بن علي بن عبدالله بن فطاي بن سابق بن حسن بن شماس


4- آل سلطان في دقلة والقرينية والشعيب والاحساء
أبناء سلطان بن سند بن علي بن عبدالله بن فطاي.

5- آل فطاي في القرينية

ابناء فطاي بن سابق .

6- آل مقرن في القرينية

أبناء مقرن بن سند بن فطاي.

7- آل علي في الشعيب

وهم أبناء سند بن علي بن عبدالله بن فطاي.

8- آل سابق في الشماسية وبريدة

ومنهم الشيخ فوزان السابق العثمان الشخصية المعروفة وهم يجتمعون مع آل سند أهل دقلة والقرينية في فطاي بن سابق بن حسن بن شماس.

9- آل شماس الذين في عودة سدير : أبناء حسين بن سعد بن حسين بن شماس بن سابق وهم يرجعون الى سابق بن حسن ابناء غانم بن ناصر بن ودعان بن زايد الملطوم الأزدي وينقسمون الى : -

(1) آل سعيد . (2) آل سلطان

- آل سعيد وهم آل حسين وآل زيد وآل شويش وآل فيصل.
-آل سلطان ومنهم ( آل دباس ابناء دباس الذي قتل عام 1163هـ ومنهم الشاعر المشهور راشد بن دباس ومنهم آل راجح وآل ضويحي ) ، وجد هذه العائلات سلطان بن حسين بن شماس بن سابق من آل غانم بن ناصر بن ودعان.


10- آل راجح في المذنب

ومنهم آل شتوي في نبعة في المذنب والبرود بمنطقة السر من آل شماس الوداعين.


11- الدخيل في القصيم

منهم الكاتب والصحفي المعروف المتوفى عام 1364هـ سليمان بن صالح الدخيل الذي كان ينشر مقالات له عن الأنساب وغيرها في كتاب لغة العرب لصحابها أنستاس الكرملي وهم من ذرية سابق بن حسن الوداعين.



12- آل زامل في العودة وداعين .



13- الربيعي في الغاط وداعين من آل عويمر.


14- الأحيديب وهم في جلاجل فقط

ولا يوجد غيرهم بهذا الاسم ، وقد انتقل بعضهم الى الرياض وغيرها بحكم الوظيفة فقط وهم من ذرية حسن بن مفيز بن حسن بن محمد الأحيدب وهم يرجعون الى آل عويمر بن زايد بن غانم بن ناصر بن ودعان بن سالم بن زايد الملطوم الأزدي ومنهم أعلام لهم خدمات في الدولة السعودية.


15- آل بطي في بريده والربيعية في القصيم وداعين.


16- البليهي في الشماس والشماسية

من آل شماس وداعين .


17- الطراقا واحدهم طريقي في الزلفي والغاط وبريدة

ومنهم آل باتل في الزلفي وهم يرجعون للولامين ، ولمان بن غانم بن ناصر بن ودعان بن سالم بن زايد الملطوم الأزدي.


18- آل أبا حسن في العيينة

منهم الشيخ محمد بن عبدالله بن طراد الدوسري ومنهم آل سيف وهم وداعين.


19- الحصين من الشماس

في بريدة من الوداعين.


20- آل حماد في بريدة من الوداعين .


21- الحمود في اللسيب غرب الخبوب

وكانوا في الشماس وداعين .


22- آل دايل أمراء بلدة مرات

و ينقسمون الى آل حمد وآل عبدالله وآل ابراهيم وآل عبدالمحسن وهم وداعين.

23 - آل عامر في الزلفي

و يتفرعون الى آل عامر والعمر ، ويتفرع من العامر العبدة وآل مرزوق والمهنا والجار الله والمحسن والسيف ومن السيف النخيل . ومن العمر يتفرع الربيعي والحمدة والسويد والصحن.

هذه العائلات تنتمي الى آل عويمر بن زايد بن غانم بن ناصر بن ودعان بن زايد الملطوم الأزدي.


24- آل حجيلان في بريدة

و يدعون آل مد الله الوداعين .


25- آل عبدالمنعم في بريدة

اصلهم من الزلفي من المطاوعة من الطراقا.


26- القبس وآل فهد في الزلفي

يرجعون لجدهم معني بن زايد بن غانم بن ناصر بن ودعان .

27- آل عيفان في جلاجل وداعين .

28- المطاوعة في بريدة والشماسية وداعين .

29- المزيد في الشماسية وداعين هم أبناء موسى الودعاني هم والحمود والرميان والصماعين ( مصدر المعلومة العبودي).


30- آل سيف من أهل الصفرات

و يتفرع منهم عدة عائلات وهم آل سلطان وآل العوام آل الدوّاي وآل سند وآل الدهيشي وآل سيف وآل سليمان

وآل غضاب وآل العلي وآل خيطان وآل زامل وآل ابراهيم وآل عبدالله وآل مطرب ، وهذا العائلات وداعين.


31- التلال ، آل غنام في بريدة من آل شماس وداعين .

32- الثنيان في بريدة من آل شماس وداعين.

33- الصمعان في بريدة وداعين .

34- آل عفنان وداعين .

35- آل عساف من الشماسية وداعين .

36- آل عمران من أهل بريدة وداعين وكانوا في الشماس .

37- آل عودة ويقال لهم العودة الرديني من الوداعين.

38- آل فوزان في الشماسية وداعين .

39- آل يحيى في الشماسية هم و آل حماد وداعين .


ـــــــــــــــــــــــــــــــــــ ــــــــــ


" مشاهير الوداعين "



1 ) الامير و الفارس و الشاعر ناصر المبيعيج الودعاني ..

جد قبيلة الوداعين كافة وسمي بالمبيعيج لبعجه الخط في معركة وسيم العامرية الشهيرة وله من القصائد والمعارك الشئ الكثير حيث قالت وسيم العامرية في المبيعيج ناصر .




بشر غـدا عنـد المبيعيـج ناصـرغدا بينهم يـوم اختـلاف الوعايـد

فنا أصبر من صماصموك على الصفاصبور الى شبـوا عليهـا الوقايـد







2 ) الجبعة بن مانع بن فايز بن خلف الوداعين ..

أحد فحول الشعراء الدواسر البارزين في عصره ، شاعر متميز في الحكمة والوصف ، وفي ضروب الشعر بجميع صفاته والوانه وهو من سكان السليل الدواسر وجده فايز هو من خلف مجدا راسخاً للدواسر في قصة جاره الذي سقط جداره عليه قضاء وقدرا فاعطى ديته كاملة لورثته فصار ذلك من أحد الصفات النادرة التي تكررت لقبيلة الدواسر في أشعار كثيرة من هنا وهناك ولعل ابرزها ما قاله الشاعر الكبير محمد بن لعبون الوائلي العنزي وفتخرا به للدواسر عندما هجا عبد الله بن ربيعة وقصة ذلك في ديوان واحة الشعر الشعبي المجموعة الرابعة لمؤلفه عبدالله بن حمير بن سابر الدوسري ، يقول ابن لعبون : -





حنا هل الوادي وحنا المناعيـروحنا ودينا جارنا مـن جـداره

يشهد لنا جريس اليماني بتفخيريوم عن اهل الدين محد اجاره





3 ) الامير مبارك بن روية الوداعين ..

أمير آل محمد من وداعين السليل جعله الأمير سعود بن فيصل بن تركي بن عبدالله أميرا على السليل أثناء حربه مع شقيقه عبدالله بن فيصل أثناء فترة الدولة السعودية الثانية قرابة عام 1283 هـ حيث كان الأمير سعود قد سيطر على حكم الرياض ونجد بعد معركه البره عام 1288 هـ



4 ) الأمير ناصر بن عبيد ال دواس الوداعين ..

أمير السليل في بداية القرن الرابع عشر الهجري من قبل آل سعود .وقد عرف بالكرم والحكمة والشجاعة . وقصر الأمارة موجود بحي آل دواس بالسليل . وأثناء فترة امارتة كان يوجد بحي آل دواس أول مدرسة ( كتاتيب )لتدريس ابناء السليل كافة علوم القرآن وذلك بمسجد آل دواس بواسطة الشيخ /مرضي بن شليع رحمهم الله جميعا...كما كان هناك مجلس الوداعين ايضا بحي آل دواس وفيه تتم أمور الشورى والصلح وفض النزاعات وغيرها من شؤون الناس .



5 ) الأمير فايز بن خليّف الوداعين من قبيلة آل خليف الوداعين ..

و قصته المشهورة والمعروفة بين القبائل ( قصة الجدار والدية)واصبحت من ضمن احدى السوالف المشهورة ومن الالقاب اللتي تطلق على الدواسر مدية الجار .



6 ) الامير عبد الله بن نادر بن ظفر آل حنيش الوداعين ..

من شيوخ الوداعين . عاش بمنطقة السليل ولد حوالي عام 1250هـ و توفي عام 1348 هـ عن عمر يناهز الثامنة والتسعين عاماً وله الكثير من المواقف البطولية اللتي لاحصر لها وهذا بعض ماذكر عنه .



7 ) الشاعر الفحل مبارك بن شيبان آل ضويان الوداعين ..

المشهور بلقب الهذيه ، من أهل السليل .. كفّ في آخر عمره .. وأكثر شعره قاله في وقت عماه ،المتوفي عام 1170 هـ .


8 ) الشاعر الفحل شلعان بن ظافر بن فهيد الجماعين الوداعين ..

ولد بمدينة السليل عام 1340 هـ عاش ردحاً من الزمن في حياة الباديه متنقلاً في فلواتها القريبه من هجرة ( إحمام ) مع أهله وعشيرته ومع الابل حيثما حلت ورحلت وقد إكتسب شعره صفة مميزه من هذه الحياة البدوية .


9 ) الشاعر مبارك بن مويم آل راكان الوداعين ..

هذا الشاعر يرجع الى ( آل راكان ) من فخذ ( الخماسين ) من قبيلة ( الوداعين ) من ( الدواسر ) . ولد وعاش بداية حياته في - وادي الدواسر - وما أن لبث أن أنتشر الى بقاع الجزيرة العربية . وهو شاعر معروف ولا زال الناس يتداولون قصائده على قدمها .


ـــــــــــــــــــــــــــــــــــ ـــــــــــــــ




" السوالف الثمان "


هذه الثمان السوالف خاصة بالوداعين وهم يشتهرون بها ويلقبون باهل الثمان سوالف وهي فخر لجميع قبيلة الدواسر العريقة ..


القصة الاولى : -


ولد ناصر المبيعيج الودعاني يلعب مع ولد جاره يوم عيد الاضحى وكان طفلا وقد شاهد ابوه وهويذبح ضحايا العيد فاحب ان يقلدة وقال لولد جاره وهو يلعب معه في الشارع تريد اوريك ويش ابوي يسوي بالضحايا ..

قال نعم فقال نم على الارض واخذ السكين وذبحه به فخرجت ام الطفل المصاب وشاهدت ابنها وحاولت انقاذه ولكن النزيف ارهقه وتوفي على اثر ذلك ولم يكن هناك اطباء ولا حالات اسعاف وسمع ناصر المبيعيج الصوت والصياح فخرج وشاهد ابن جاره ينزف دما فسال عن الامر فقيل له ان ابنك هو الذي فعل هذا الفعل وذهب يبحث عن ابنه فوجده عند امه وحاولت منعه من اخذه فنهرهافذهب به وذبحه على جثة ابن جاره وقال لزوجته اخرجي ابكي مع جارتك فقال الغوينمي في قصيدته المذكوره بذكر فعل ناصر المبيعيج




الأوله منها المبيعيج ناصرزلّت غرير سببت لاجالها

جره عليه ولاط حلقه فوقهوقال الثيار حلاتها عجالها







القصة الثانية : -

خرج رجلين من قبيلة قحطان من الوادي يريدون اهلهم في البر وكان يرافقهم شخص من قبيلة ال عويمر الوداعين فزين له الشيطان خيانتهما وقتلهم
فعدى عليهم وقتل احدهم وهرب الاخر حتى وصل الى الوادي الى قبيلة ال عويمر ةاخبرهم بما حصل من خويهم فخرجوا معه حتى وصلوا الى محل معركتهم وتأكدوا من خيانة خويهم لهم فبحثوا عنه حتى قبضوا عليه وربطوه وقالو للقحطاني اقتله فتهيب (خاف منهم)من قتله فقام والد الجاني واخذ السيف وضربه به حتى قتله
وقد اشار الى ذلك الغوينمي في قصيدته حيث قال




والثانية لا باق واحدا في سيرهاذبحوه ذبح الشاة في احلالها

يبغون مثله مايهـم بمثالهـاولا الديه سترلهـا وجمالهـا

واللي فعل ذا الفعل لاد عويمروهم فحول المرجله و زحولها






القصة الثالثة : -

سقط رجل من قبيلة ال عاطف من قحطان وهو نازل وقت القيض عند سعد بن ولمان الوداعين وكان يريد استخراج الماء من البئر عند المسجد فأراد الله وسقط في البئر ومات ودفع سعد لاسرة المتوفي ديتين مثارا في سقوطه في مسجد قبيلة الولامين وقد ذكر ذالك الغوينمي في قصيدتة المشهور فانشد قائلا




والثالثة يوم طاح العاطفي في حسيناعطـاه سعـد الـديـة ومثالـهـا

وامـه عجـوز ظامـي حوشهـاراحت تشيـل احمولهـا باجمالهـا







القصة الرابعة : -

سقط شخص يقال له شايق بن سليم وهو نازل عند رجل يقال له مانع بن منصور من قبيلة الولامين الوداعين في بئر لمانع وصار في جبهته من اثر السقوط شجه فما كان من مانع الا ان اعطاه فرس صفرا لمثار عن سقوطه في البئر العائده له
وذكرها سيف الغوينمي في قصيدته حيث قال




والرابعه منها بيان ابن سليـمفي البير طاح وطق راسه جالها

ظهر لناالـى فيـه فعـلٍ بيّـنفي جبهته مطرح ثلاث اقفالهـا

هو جار كساب المراجل مانـعكسابهـا فيـادهـا ختالـهـا

عطاه صفرا سابـق معلومـهصفرا تشوق العين في خيالهـا

أول فوالتهـا أربعيـن جذيبـهإبل المريخي يوم ربـي زالهـا






القصة الخامسة : -

يلقبون بوداية جارها من اجدارها أي انهم دفعوا لجارهم الذي سقط عليه الجدار ومات بسببه دية كاملة والذي دفع الديه من الدواسر هو فايز بن خليف الودعاني

يقول الشاعر سيف الغوينمي في بيت من قصيدته استدل به على ماذكرت عن ادأ الدية الى الجار الذي سقط عليه الجدار





والخامسةالجدار منها وادا ابن اخليفعطاه الدية وقف(ن)بغيـر امهالهـا

فهـذي خمسـا مافعلهـا غيرهـممن طلعت البيضـاء الـى حوالهـا





هذه القصص الخمس ما فعلها الا رجال من قبيلة الوداعين الدواسر وقد ذكر الشاعر ايضا ثلاث امور اخرى يمتازون بها الدواسر ولكن هذه الثلاث يشاركهم فيها غيرهم من كرماء قبائل العرب في الجزيرة

وقد ذكرها الغوينمي في قصيدته المشهوره




والسادسه لاجات السنين الممحلهوإن كف من وبل السماء همالها

منصى ومناخ لمن ركبو النظـالا مختلط عقب القفـال احبالهـا

يالقـون بشاشـه وهشـاشـهوفرش يقلـط فوقهـن ادلالهـا

وصحون سريٍ وبينهن نحوتهـاسمـن يـداري دفقهـا شيالهـا

وشحوم ضانٍ فوق صفرفتاتهـموالافقـار دايـم يعـبـا لـهـا

والسابعه زبـن المجنـا لاوزىيامن ويبسط في بـراد ظلالهـا

ولا يطوله كـل منهـو طالبـهويحط علوى فوق روس جبالهـا

والثامنـه حمايـه بجنـودهـاتحمي ولا تعتاز من يحمي لهـا

مثـل الخلاصـه يـوم يـوقـدتنفٍخ وكل قـد عـرف غربالهـا





ويقول الشاعر عبدالله بن حسين الودعاني ..




بامر الولي فتنا القبايل كلهـابثلاث معاني وافي ميزانهـا

الاوله افهم جوابـي يافتـىاداى جار البيت من جدرانها

والثانيه التارده توخذ بيـانعلى القبايل حضرها وبدوانها

والثالثه الضيف عاينوجبتـهمثلوثة تعبا عزيـزا شانهـا





ويقول احد شعرا الوداعين ..




انشدوا من سيف جده الى الطور الخضرمن هو اللي يدي الجار مـن جدرانهـا

تالى ضربنا العظـم صوابـه ماجبـرننشي لاجـا الملاقـا وكثـر اكوانهـا
شيخ الوداعين
21-03-2008, 03:19 AM
لاهنت وسلمت يمينك والله يرحم راعي القصيده وصح لسان قايلها
روان
22-03-2008, 11:19 PM
اللة يعطيك العافيةشـكــ وبارك الله فيك ـــرا ...
سيف العتيبي
31-03-2008, 02:10 AM
قصيدة ولااروع ولااجمل ولااحلي
(المصلحة)
تسلم يمينك اخوي العزيز:s_thum1:
ابن ولمان
13-09-2009, 06:31 PM
مشكووووور يالغالي قصيدة في قمة الروعة والجمال
الشرع
01-12-2009, 03:48 PM
مشكور اخوي علي تلبية الدعوة
قصيدة في قمة الروعة رحم الله قالها وسلمت يمبن نقلها
الله لايحرمنا هالطله بارك الله فيك
تحياتي
walem
27-10-2011, 10:30 PM
لرفععع