محروم الايام
31-05-2003, 02:36 AM
هذي القصيده مسندها لوالدي رحمه الله
سر ياقلم واكتب على بيض الاوراق =ابيات شـعرٍ مسنـده لابن قـعدان
انا غريب الدار والصدر قد ضـاق = وعزي لمن يصبر على بعد الاوطان
انا شربت الصبر والقلب ماطــاق= شربي مرار وليلي اقضيـه سهران
قلبي لداره يابن قعدان مشتــاق=مـــارام دار فيه لحجي وسكران
وانا ذخر ناس عريبين الاعــمـاق = مامـشي طريق من مشا فيه خسران
لكن نار الهم تحرقنـي احـــراق = والفكر من كثر الـهواجيس شتان
وهذى رد الوالد
يـامـرحـبـا واهـلـين مـالاح براق = وعـداد مـايـمـطر مـن المزن ودان
جــواب مـنـهو قـال بالـمثل مالاق = واسنـد عـلـيه بالمثل بعض الالحان
ليـا شـكيـت الـبعـد مانته منعاق = الــجو يـمـشـي واجرد الخد ميدان
والرجل تغريبه ورى كـــسب الارزاق = يــصـبر على الـشده لو كان ماكان
امش الطريق اللي كما شمس الاشـراق = ولاطـريـق الـجـرم مـالـك معه شان
اذكر نهار(ن) لفه الساق بـالـساق = تــرى طـريـق الـخير للرجل عنوان
لاتنـــخدع في كـل داشــر وبــواق = جــنـب جـلـيـس السو ياذخر سلمان
وعنـــدك رجــال لـلمهمات تـنساق=مـانـتـه لحالك تنقل الحمل وتهان
وكل (ن) عليه من الدهر باب ورواق = ولــيا صـبرت تـفـوز ياطير حوران
الـــحر حر ولـبرق الـــريش لحاق = اليا اعتلى يلحق اله فعلن قد بان
والــبوم بـوم دايـم الـدوم نغاق = ينـغـق بـعشـه دايـم الـدوم كسلان
خــــلـك صبـور للـشديدات تفــاق = ولابـــد يفرجها الولي عالي الشان
اخوكم يوسف بن سلمان السليس
سر ياقلم واكتب على بيض الاوراق =ابيات شـعرٍ مسنـده لابن قـعدان
انا غريب الدار والصدر قد ضـاق = وعزي لمن يصبر على بعد الاوطان
انا شربت الصبر والقلب ماطــاق= شربي مرار وليلي اقضيـه سهران
قلبي لداره يابن قعدان مشتــاق=مـــارام دار فيه لحجي وسكران
وانا ذخر ناس عريبين الاعــمـاق = مامـشي طريق من مشا فيه خسران
لكن نار الهم تحرقنـي احـــراق = والفكر من كثر الـهواجيس شتان
وهذى رد الوالد
يـامـرحـبـا واهـلـين مـالاح براق = وعـداد مـايـمـطر مـن المزن ودان
جــواب مـنـهو قـال بالـمثل مالاق = واسنـد عـلـيه بالمثل بعض الالحان
ليـا شـكيـت الـبعـد مانته منعاق = الــجو يـمـشـي واجرد الخد ميدان
والرجل تغريبه ورى كـــسب الارزاق = يــصـبر على الـشده لو كان ماكان
امش الطريق اللي كما شمس الاشـراق = ولاطـريـق الـجـرم مـالـك معه شان
اذكر نهار(ن) لفه الساق بـالـساق = تــرى طـريـق الـخير للرجل عنوان
لاتنـــخدع في كـل داشــر وبــواق = جــنـب جـلـيـس السو ياذخر سلمان
وعنـــدك رجــال لـلمهمات تـنساق=مـانـتـه لحالك تنقل الحمل وتهان
وكل (ن) عليه من الدهر باب ورواق = ولــيا صـبرت تـفـوز ياطير حوران
الـــحر حر ولـبرق الـــريش لحاق = اليا اعتلى يلحق اله فعلن قد بان
والــبوم بـوم دايـم الـدوم نغاق = ينـغـق بـعشـه دايـم الـدوم كسلان
خــــلـك صبـور للـشديدات تفــاق = ولابـــد يفرجها الولي عالي الشان
اخوكم يوسف بن سلمان السليس