مرحبه....تكفون ابي قصيده في فخذ ال بريك

[جرااح]

السلام عليكم ورحمة الله وبركاته

يشرفني وانا في بلااد المهجر ان اكون عضو معكم
يعيال عمي الدواسر
وتكفون ابي قصيده في فخذ ال بريك....والف شكر لكم ولا هنتم...

[سيف الوداعين]

بسم الله الرحمن الرحيم
ارحب ياولد العم تراحيب المطر ويا مرحبا بك معنا
هذي قصيدة ليست قديمة ولكن فيها مدح لآل بريك
أرجواني لبيت اطلبك واذا لقيت غيرها فابشر يابن العم بسعدك
هذا مما يقول الشاعر /سفر بن علي بن منيف ال بريك الدوسري عندما جاءه البشير بفوز أبل ناصر بن قريع ال بريك الدوسري فتـشوق عندما جاءه الخبر وهو مشغول ولم يحضر المزاين فكتب هذه القصيده



يا لله يا منـزل القـرآن وكتابـه ياخالق النفس رازقهـا ومحييهـا

تعوذنامن طريق ابليـس واحزابـه وأجسامناعن لهـوب النارتحميهـا

قال الذي للمثايـل بطّـل أبوابـه يا حاضرأسمع تماثيـل بـدأ فيهـا

يفرح اليا صار لحق المدح في الابه وأمجاد ربعي تنومسنـي مباديهـا

علم لفاني مـع الطـراش للفابـه ينافدى اللي دروب العـز ماشيهـا

ناصر اليا صار كـلاًً مغلـق بابـه أبـواب بيتـه مفتحـةً للافيـهـا

ماريتـه لا لفيـت البيـت رحابـه الله لايقطـع الـعـاده وراعيـهـا

ضرغام ليث تسلسل من اسد غابه من لابةً في اللقا تعرف بماضيهـا

ربعي اليا كشّر السرحـان بنيابـه بريكيـهً نوفـي الكيلـه لراعيهـا

ربعي هل الرايه العليا واهل جابـه فكاكة الابل اليـا كثـرة عزاويهـا

قصيرهم لامشى ماهـوب بيهقابـه وأرواحنا دون جار البيت نهديهـا

ولا نقلنا سيـوف الهنـد نصابـه الا سيـوف نوردهـا ونرويـهـا

واليا ركبنا على العيـرات كسابـه عقيدنـا لانتـوا يبعـد مناحيهـا

من فضل ربي ترى ماحن نشابـه كم زلـة قـد د محناهـا لراعيهـا

كم شيخ قوم على البيدا سجدنا به وأنساه عقب الطرب كثرة نعاويهـا

الشقح فـازت وذا علـم فرحنابـه علم رفع رووسنـا لحـد واليهـا

الفوز يا ابو مبـارك لـك تهنابـه الله يهنيك فـوز الابـل وراعيهـا

صلاة ربـي عـدد ماهـل سكابـه ذكر الولي بأول الكلمـه وتاليهـا

أخوك
سيف الوداعــــــــــــــين

[جرااح]

تسلم يا الغالي سيف الوداعين
وجزاك الله خير