المساعد الشخصي الرقمي

مشاهدة النسخة كاملة : يالايمي لـو تـروح البـر وتذوقـه .

الجني السماوي
13-05-2003, 01:35 AM
يالله بغيـمٍ تجـادح لمعـت بروقـه
ريـح الشمالـي يهـب ولا يفرقهـا

وقت الوسم مستمرٍ بامـرك تسوقـه
يهل مزنه علـى الريضـان يدفقهـا

تمشي سيوله مع الشعبان وعروقـه
يملا الخباري مع الغـدران يغرقهـا

تاخذ لـك ايـام كـلٍ سايـق نوقـه
ينصون قاعٍ تبشـر عـن حقايقهـا

البدو واللـي يعـد البـر معشوقـه
ما يصبر وطلعـت البـرّا يعشقهـا

يفرح مع العشب يطفي بشوفته شوقه
ينس همـومٍ تهـاوت فـي دقايقهـا

احب انا العشب وريح الورد ونشوقه
ومشاهد الشمس مغربها ومشرقهـا

الله على القاع بين العشب مشقوقـه
تلقى الزبيدي على البطحاء وتنتقهـا

والروض الاخضر يسر وماحلا رموقه
وبيت الشعر والذبيحه مـن تعلقهـا

واحب ربع ٍ نشاما مـا بهـم عوقـه
والبن الاشقر على المحماس يحرقها

وصوت النجر يجذب اللافين بطروقه
ياكن دقه علـى الضلعـان يصفقهـا

واحب الارطا ونار جـروم محروقـه
وفنجال من دلـة مـا مـل ذايقهـا

ياماحلا الحر الاشقر تطلـق سبوقـه
لا شاف زول الحباري قـام يلحقهـا

كلما ضرب له حباره يرتفـع سوقـه
لجواد تفـرح بصيـده يـوم وفقهـا

انا اعرف اللي يداوي القلب وفتوقـه
فرقا المدينه وبعـدٍ عـن خلايقهـا

يالايمي لـو تـروح البـر وتذوقـه
اضن رجلي على الصمـان تسبقهـا

ملطوووووشة
تواق
16-05-2003, 11:13 PM
صح اللسانك واللسان قايلهااا00
قصيده رائعه اخوي الجني00
تحياتي لك
ندى الورد
17-05-2003, 03:52 PM
اقتباس من الكاتب تواق
صح اللسانك واللسان قايلهااا00
قصيده رائعه اخوي الجني00
تحياتي لك
ندى الورد
المولع
20-05-2003, 03:40 AM
يا لب قلبك يالجني


ويالب قلبك يالصمان


وانا كل ما شهدت برق اقول كريم *&* عسى له على الصمان ديمن اوداني


صح لسانك الجني