المساعد الشخصي الرقمي

مشاهدة النسخة كاملة : وين الوداعين؟؟

الجراح
17-12-2005, 09:00 PM
السلام عليكم........

سلامي على اهل المنتدى ولولامين____ومن عادة الرجال يبدي سلامه


انا ودي العب مع رجال الوداعين_____ رجال لهم في القلب حب وكرامه


الجرااااااااااااااااااااااااااااااا اااااااااااااااااح[/
ساقي الورد
17-12-2005, 10:07 PM
هلا وغلا بجراااااح


باقول عن اخواني في المنتدى وعزالله مانيب أطيبهم ولكن سبقتهم



ألا مرحبا من دارنا لى حدود الصين=بمن هو بدا والطيب يسبق كلامه
أنا با اتمثّل والربع كلهم وافين=وداعين في راس المراجل علامه


000000ولك كل الود000000
الجراح
18-12-2005, 11:51 AM
هلا والله وغلا.......

يدوم البقا واقولها بين قوسين______ويا الله عسا الساقي يحصل مرامه

قدم بالنيابه عن رجالن سلاطين_____ ومن ناب عن ربعه يجهز حزامه
ساقي الورد
19-12-2005, 12:51 AM
هلا وغلا بك يالجراح



ينادي علينا شاعر(ن) من يجي يومين=وحقه علينا الطيب عقب احترامه
ولكنّ يالجراح هات البراهين=وهرج(ن) بديته ملزم(ن) في تمامه
الجراح
19-12-2005, 04:42 PM
اسفرت وانورت.............عزيزي ساقي الورد

غصون الورود مكسره في البساتين_____وانا احمل الساقي كبير الملامه

زعيم(ن) تغشه راجحات الموازين______ لمحت الزعيم ولا لمحت الزعامه


الجرااااااااااااااااااااااااااااااا اااااااااااااااااااااااااااح



66ccff
ساقي الورد
20-12-2005, 01:33 PM
اسفرت بوجودك يالجرااااح



زعيم(ن) غدا صيته حديث البلادين=يشوفه زعيم(ن) فارق(ن) بالشهامه
يحقره من الجهّال ناس(ن) كثيرين=والى قلّت الدّبره تجيك الغشامه
الجراح
20-12-2005, 03:25 PM
والله وسبعة انعام بك وبربعك يا ساقي الورد

اذا ان الزعامه حلم فا احلم يا مسكين____تحلم با بوزيد الهلالي سلامه

عسا جاهل(ن) صلى بصف المصلين____خشع في الصلاه ولا يسابق امامه


تحياتي........الجرااااااااااااااااا ااااااااااااااااااااااااااااااااح
ساقي الورد
20-12-2005, 04:03 PM
ما عليك زود يا(الطبيب الجراح) أنت وربعك اللي ما عرفناهم !!



ألا يا حسين الهرج كدر المضامين=لنا بالفخر هامه ولك غير هامه
ابو زيد لو عاش بزمن وقتنا ذالحين=تمنى بني ودعان أقرب عمامه


000000ولك كل الود000000
القياده
20-12-2005, 09:06 PM
قواكم الله

شدو حيلكم

وصح الله لسان الجميع
أبو علي
20-12-2005, 11:50 PM
السلام عليكم ورحمة الله وبركاته
يسرني إبداء إعجابي بجودة الأبيات المشاركة رغم أن في كثير منها اختلالاً بالوزن .
فيُرجى من الإخوة الانتباه لذلك .
وفقكم الله .
أخوكم أبو علي
الجراح
21-12-2005, 11:26 AM
صبحكم الله بالخير..........يالله عساه صباح خير



الاخ القياده وانت الله يقويك وشد حيلك بعد......ترى البساط احمدي




الاخ ابو علي:هلا وسهلا فيك.....ويا ليت توضح اكثر ......يمكن غيري يفهم



المحترم ساقي الورد....هلا وغلا ........... وموضوعك معي ماهو مع ربعي


وداعين (وانعم) صدق ما هو بتخمين________اقوله ونا امري في يميني زمامه


على شانهم با سامحك يا(احمرالعين)_______ تركد ترى الجراح يبري سهامه




الجرااااااااااااااااااااااااااااااا ااااااااااااااااااااااااااااااااااا اااااااااااااااااااااااااح
الجراح
21-12-2005, 11:39 AM
الاخوان اهل المنتدى....اذا قدرتو تزبطون الرد .....اشوفه متلخبط

شاكر لكم تعاونكم
ماجد بن روية
21-12-2005, 04:38 PM
استلم ياجراح انت وابن عمي ساقي الورد

لنا بالزعامه حق مايقبل التخمين=وسندنا بني عمٍ تفك الجهامه
عسا سايق المزنه يجيب العواقب زين=بعد ماسمحنا عدّل الورع مرزامه
ساقي الورد
21-12-2005, 09:06 PM
السلام عليكم ورحمة الله وبركاته

أسعد الله أوقات الجميع بكل خير


الاخوان ( القياده - وابو عِلي - وراكد ) تشرفت بمروركم الكريم وانا أتعلّم منكم ،، وأعلّم غيركم !! مرحبا مليوووووووووووون ،،،،،،،،، ولكن

اللــــــــــــــــــــــــــــــــ ـه لا يهينكم على فراش الكرامه


وذالحين وين المجهوووووووول !!! اللي يزهم الربع يزبطون له !!!!!!



يقول التفت لي لا تجي ربعي الغالين=وانا ما نطقت بسوّ خاب اتهامه
أنا لابتي مثل الجبل يا جدار الطّين=أقوله وخشمك في يميني خطامه


ودمتم
ماجد بن روية
21-12-2005, 10:23 PM
اخي ساقي الورد

اسمح لي ابعطيه ذا البيتين عسا يفهمها

وعقبه حب وكرامه مانيب معارضكم لين تسمح لي




استلم ياجراح








لك الله تراني من نزل وارد التسعين=حلفت الصبايا مايدقن بصدامه
وانا مانسيت ان الهوى فيه زين وشين=بعد مادريت انك حفظت آخر ارقامه
الجراح
22-12-2005, 01:01 AM
هلا...........يا حليلكم



سمحنا وحيد القرن عود بقرنين____معه طفل اشوفه يرضع اصبع بهامه

ولا فرق عندي كلكم 1 2 ____ ابا احط لك شامه وللطفل شامه



الجرااااااااااااااااااااااااااااااا ااااااااااااااااااااااااااااااااااا اااااااااااااااااااااااااح
ماجد بن روية
22-12-2005, 04:44 AM
استلم ياجروحتي



تكّسر حروفك لين ماعاد تقرا لين=تعلّم وبعض العلم ماينفع اهلامه
نصحتك نصيحه وانت في ساقة الغاوين=نحكم المداين من قبل تلبس الهامه
ساقي الورد
22-12-2005, 05:56 AM
نعجبك



أشوفك غديت اليوم لعبة وراعين=كما لعبة الورعان فرخ الحمامه
وحذراك تامنها مزوح البزارين!!=تموت وخفوقك فيه مزح الهدامه!!
أبو علي
22-12-2005, 06:16 AM
السلام عليكم ورحمة الله وبركاته
الجراح
مرحباً بك أخاً غالياً
لك كل ودي
أنا لست شاعراً
لكن أعرف إذا وزن البيت سليم أم مختل
سواء كان من الشعر الشعبي أو الفصيح
ولم انتقد الأبيات في شيء من جزالة المعنى أو قوة التعبير أو جمال الصياغة
كلاّ !!
بل بالوزن فقط
و ليست كل المشاركات مضطربة الوزن ، لكن أغلبها
أما المشاركات التي وزنها سليم فهي مشاركتان للأخ الراكد ، رقم 15 ، 17
وللتأكّد من ذلك يُرجَى عرضها على أحد الشعراء المعروفين وسؤالهم عن صحة الأوزان
و دمت موفَّقاً
محبك أبو علي
الجراح
22-12-2005, 01:00 PM
الاخ ابو على:وعليكم السلام ورحمة الله وبركاته

بمناسبة تعليقك الكريم على الردود ... فانا لي تعقيب على ماذكرت لكن ليس الان

تقبل تحياتي...... اخوك الجرااااااااااااااااااااااااااااااا اااااااااااااااااااااااااااااااح










انا العب معا ورعان والناس دارين___نطقها لسانك يا زعيم الندامه


مساكين والله جابكم يا مساكين _____تبون السلامه؟ دورو للسلامه








الجرااااااااااااااااااااااااااااااا ااااااااااااااااااااااااااااااااااا اااااااااااااااااااح
ساقي الورد
22-12-2005, 07:11 PM
السلام عليكم ورحمة الله وبركاته

يامرحبا بالجميع بما فيهم المجهوووول


الله يهديك يا( ابو علي ) كلامك الأول أطرب ((الجريح)) المجهوووول وما صدّق على الله راح يستشهد به على قوة ابياته ((الهزله)) عزاّالله انك آجعت الضعيّف ولكن مااااااااااااااااااااااااااا علينا

وينك ياالمجهوووووووووووووووووول



صغيرين يالجراح عادي صغيرين=الى صار لعبتنا فريخ اليمامه
نبا قفل قوسه ثم قَصّ الجناحين=وبيديني الثنتين أكسّر عظامه
حزين الحرف
22-12-2005, 07:32 PM
متابع ولكن بخووووووووووف
الجراح
23-12-2005, 04:08 AM
هلا...........النوم واصل حده بنيت بيتين ونسيتها بس يالله باي كلام زيي زي غيري


ترى عدة المرضع مع الطفل حولين___عسى ما فطمتو قبل سن الفطامه

اعلم بزارين الشعر بالقوانين___ ولا اوحيت منهم غير بابه و مامه


تصبحون على خير...الجرااااااااااااااااااااااااا اااااااااااح
ساقي الورد
23-12-2005, 04:54 AM
عساك مانسيت الا البيتين بس ،،!
وبعدين بدري عليك تجي زي غيرك ،، أنت من عقبهم !!
والنوووووم تو الناس عليه يالمجهووووووول



ترى مالنا (مامه) شراة اليتيمين=بغيناك (مامه) لا تفك اللثامه
بليا وجودك عايشين(ن) وحيدين=وتلقى الثواب أضعاف يوم القيامه